MS fasilita ambulánsia-kombustível ba servisu saúde iha kada munisípiu

DILI, 11 juñu 2024 (TATOLI)–Vise-Ministru ba Fortalesimentu Institusionál Saúde, José dos Reis Magno, hateten kada munisipiu ne’e ministériu saúde fasilita ambulánsia no kareta multifunsaun no kombustível ba servisu saúde nian.

Nia hateten, kada munisípiu iha ambulánsia ida hanaran Servisu Emerjénsia Médika Munisipiu (SEMM) nian, sira seidauk informasaun tanba kombustível ba ambulánsia to’o agora seidauk iha problema tanba sira institutu autónomu.

“Ita sira-ne’e lakohi atu ema ida lamenta kona-ba buat ne’ebé ita presiza, ita hakarak buat hotu di’ak hela de’it. Maibé situasaun sira balun hanesan ne’e. Maibé iha Ermera nian ha’u konfirma katak mina iha hela, maibé tanba falta komunikasaun di’ak. Mina iha ba teritóriu nasionál,” ” Vise-Ministru ba Fortalesimentu Institusionál Saúde, José dos Reis Magno, nakait ho semináriu ida konaba National Multi. Stakeholder Consultive Workshop for validation of vulneravelity anda adaptation assesmente and climate anda health risk profile for Timor-Leste, iha Delta Nova.

Nia esplika, dalabalun área sira iha munisipiu Viqueque ne’e boot no iha kompleksidade boot, tanba tenke hakur mota, maibé xefe SEMM tenke haree tanba akontese ona bee-mota lori karreta.

“Tanba motorista sira hakarak ba de’it, maske mota boot no ambulánsia tama to’o iha klaran mota boot lori kareta multifunsaun ida,” nia dehan.

Governante ne’e husu ba responsável sira tenke jere didi’ak rekursu ne’ebé Governu tau ona iha ne’ebá, labele husik fasilidade foin tau ba aat grave tiha no tama ofisina, tanba ida-ne’e presiza orsamentu boot ba reparasaun.

Nia esplika, karreta multifunsaun sira iha kada sentru saúde mak foti pasiente ba iha munisipiu mak transfere pasiente ba ospitál rejionál.

Jornalista : Jesuína Xavier

Editór       : Cancio Ximenes