iklan

SAÚDE

Mudansa klimátika afeta ba ema-nia saúde

Mudansa klimátika afeta ba ema-nia saúde

Reprezentante Organizasaun Mundiál Saúde (OMS) iha Timor-Leste, Arvind Mathur. Imajen Tatoli.Antonio Daciparu

DILI, 11 juñu 2024 (TATOLI)–Reprezentante Organizasaun Mundiál Saúde (OMS) iha Timor-Leste, Arvind Mathur, hateten mundansa klimátika iha Timor-Leste atualmente iha temperatura 0.0160 C ne’ebé kada tinan aumenta ba to’o 30C iha future ne’e, afeta bae ma-nia saúde no provoka moras hosi vektor no moras hosi anin no inundasaun.

Nia hateten, udan monu-rai mós muda ona kada fulan husi dezembru to’o maiu ho tendé nsiasa’e 7.156 mm/dekade. Ida-ne’e signifika katak intensidade udan sei aumenta no sei aumenta tan períodu rai-rahun no nivel tasi iha nasaun ne’e sa’e maizumenus 5.5 mm kada tinan no hasoru rai manas hanesan mós iha nasaun sira Azia Sudeste

“Tuir avaliasaun OMS nian, prioridade klimátika no saúde nian ne’ebé boot-liu ba Timor-Leste mak prevene aumentu iha mánutrisaun. Prevene moras sira-ne’ebé mosu husi vektor sira hanesan dengue, hamenus risku ba moras diareia, hadi’a bee-moos no sistema saneamentu, investe iha rejiliénsia klimátika no fasilidade kuidadu saúde ne’ebé sustentavel ba ambiente. Prevene mate no kanek husi anin-fuik no inundasaun, evita mate ne’ebé relasiona ho manas,” Reprezentante OMS iha Timor-Leste, Arvind Mathur, hateten iha semináriu Nasionál ho tema “Stakeholder Consultive Workshop for validation of vulneravelity anda adaptation assesmente and climate anda health risk profile for Timor-Leste”, durante loron tolu hodi halo validasaun ba dadus perfil risku klima, saúde no relatóriu vulnerabilidade no avaliasaun iha munisípiu hotu-hotu, iha Delta Nova.

Tuir avaliasaun jerál ida kona-ba vulnerabilidade no adaptasaun ne’ebé OMS halo iha tinan 2019, iha moras no risku saúde ne’ebé afeta diretamente la indiretamente hosi mudansa klimátika iha Timor deskobre katak, mudansa klimátika bele sai aat liutan iha tendénsia moras nian, liuliu ba moras diareia, moras transmite hosi anin, moras kulit no moras vektor.

Iha fatin hanesan, Vise-Ministru ba Fortalesimentu Institusionál Saúde, José dos Reis Magno, konsidera, maske Timor-Leste komesa enfrenta mundansa klimatika hanesan udan boot no tasi boot, temperatura aumenta maske seidauk afeta ba iha saúde ema-nian.

“Iha parte sul, udan lapara hanesan iha Covalima nian, bee tama populasaun nia uma no posu bee. Timor-Leste hasoru mundasa klímatika mak udan lapara no halo bee volume boot hodi sobu natar, toos, mota sobu populasaun nia uma,” Vise-Ministru ba Fortalesimentu Institusionál Saúde, José dos Reis Magno, hateten ba jornalista sira.

Governante ne’e hateten, OMS sei ajuda Ministériu Saúde atu bele aprezenta dadus kada munisipiu kona-ba impaktu mudansa klimatika ba ema-nia saúde.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!