COVALIMA, HEADLINE

PAM enkoraja agrikultór iha Covalima investe iha setór ortikultura

PAM enkoraja agrikultór iha Covalima investe iha setór ortikultura

Prezidente Autoridade munisípiu (PAM) Covalima, Miguel Armada Cardoso. Foto/Celestina Teles.

COVALIMA, 11 Juñu 2024 (TATOLI) – Prezidente Autoridade munisípiu (PAM) Covalima Miguel Armada Cardoso, husu ba agrikultór sira iha Covalima atu investe iha setór ortikultura, liuliu kuda modo sira hodi bele fornese ba traballadór empreza Timor Resources, ne’ebé  halo hela atividade perfurasaun ba mina-matan iha munisípiu ne’e.

Prezidente ne’e salienta katak produsaun legume sira lato’o atu fornese ba traballadór sira, tanba ne’e populasaun sira tenke badinas kuda modo, nune’e empreza labele sosa modo husi fatin seluk.

“Empreza Timor Resources atu halo perfurasaun ba mina-matan, entaun ita-boot sira hanoin ona atu kuda modo, nune’e empreza bele sosa hodi fó han ba traballadór sira”, Miguel Armada Cardoso hato’o iha salaun Mais Grureis, ohin.

Jerente Timor Resources, Filomeno Andrade, promete atu distribui lista presu sasán, maibé presiza halo koordenasaun ho xefe aldeia, xefe suku no pontu fokál sira antes fornese produtu lokál ba empreza.

Iha perfurasaun posu tolu iha Covalima ne’ebé halo husi empreza foin lalais ne’e, dadus hatudu katak sira sosa ona karau rihun-resin hodi fó han ba traballadór sira, maibé produsaun legume mak lasufisiente.

Empreza petrolífera Timor Resources sei halo perfurasaun, iha Setembru, ba mina-matan foun Feto Kmaus rua ne’ebé lokaliza iha suku Debos, no Liurai rua, ne’ebé lokaliza iha suku Labarai, postu Suai.

Notísia relevante: Timor Resources partilla informasaun kona-ba impaktu ambientál iha prosesu perfurasaun mina-matan

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!