DILI, 12 juñu 2024 (TATOLI)—Centro Nacional Chega, Institutu Públiku (CNC, I.P) tinan ne’e nia laran sei lansa tan livru ho títulu Hatutan Memória ba volume dalimak nian.
Diretór Ezekutivu CNC,I.P, Hugo Maria Fernandes, esplika, programa Hatutan Memória ne’e hahú iha tinan-2019 ne’ebé deskreve oan sira bele hakerek inan-aman sira-nia istória durante luta ba prosesu ukan-an Timor-Leste.
“Iha loron 17 jullu 2024 hanesan aniversáriu CNC, I.P ba dala-hitu, sei halo tan lansamentu ba livru Hatutan Memória ba volume dalimak,” Hugo Maria Fernandes, hateten, iha Balide, kuarta ne’e.
Notísia relevante : CNC lansa filme Hatutan Memória Sobrevivente iha Covalima
Nia konsidera livru ne’e importante tanba oan sira bele hakerek rasin sira-nia inan-aman nia istória kona-ba partisipasaun funu.
“Kada tinan ita lansa livru Hatutan Memória, ne’ebé kada volume iha ema entre 15-30 mak hakerek sira-nia inan-aman nia istória rasik,” nia dehan.
Jornalista : Arminda Fonseca
Editora : Julia Chatarina
