iklan

BOBONARO, HEADLINE

Baskolante ida baku fila iha Odomau

Baskolante ida baku fila iha Odomau

Baskolante ida baku fila iha Odomau. Foto/Sérgio da Cruz.

BOBONARO, 15 juñu 2024 (TATOLI) – Karreta baskolante ida ho xapa matríkula 54.887 baku fila, ohin, iha aldeia Anahun, suku Odomau, postu administrativu Maliana, munisípiu Bobonaro.

Asidente ne’e akontese pur volta tuku 10:00 bainhira tula materiá konstrusaun husi diresaun Maliana bá aldeia Raifun-Foho.

“Hau tuir ho motór husi kotuk, karreta ne’e sa’e to’o klaran atu liu ona, hau hare nia tuun fali mai no baku fila. Ema sira tuur iha kotuk ne’e haksoit sai, balun simentu hanehan, depois ha’u ba husu ba motorista dehan karreta sa’e labele, tanba mina fuga”, sasin Januário Mendonca haktuir ba Tatoli, iha fatin akontesimentu.

Karreta ne’e tula ema na’in-hitu, inklui motorista ne’ebé na’in-haat iha kotuk no tolu iha oin.

Asidente ne’e rezulta vitima sira kanek kmaan no daudaun ne’e transporta ona bá Ospitál Referénsia Maliana hodi halo tratamentu ba saúde.

Tuir observasaun jornalista, asidente ne’e hamosu engarrafamentu tanba karreta baku fila taka tomak estrada iha dalan ka pintu gerbang Odomau.

Notísia Relevante: Karreta tula zinku UNP hetan asidente iha área Lugatohi Viqueque

Jornalista: Sérgio da Cruz
Editora: Maria Auxiliadora

iklan
iklan

Leave a Reply

iklan
error: Content is protected !!