iklan

POLÍTIKA, VIQUEQUE

Governu sei lansa obra estrada Uatulari kilometru 20-resin iha semana ne’e

Governu sei lansa obra estrada Uatulari kilometru 20-resin iha semana ne’e

Kondisaun dalan área suku Babulu, postu Uatulari kondisaun grave.Imajen Tatoli/Vitorino Lopes da Costa

DILI, 18 juñu 2024 (TATOLI)—Vise Ministru ba asuntu Parlamentár, Adérito Hugo da Costa, hateten iha semana ne’e Governu liuhosi Ministériu ObrasPúblika (MOP) sei lansa obra estrada Uatulari ho kilómetru 20-resin.

“Semana agora, lansamentu ba estrada ho klasifikasaun internasionál iha Uatulari sa’e ba foho leten atu ba Matebian, kilómetru 20-resin. Karik iha tan pakote ida tan depois ida-ne’e liga ona  ba estrada ne’ebé iha Laga ba Baguia-Baucau. Agora, iha progresu konstrusaun atu hotu ona, entaun trosu ida tan parte klaran iha Baucau tún ba Viqueque sei bele rezolve iha tempu badak, nune’e mós kostu súl temi Uatucabau ba Ilomar,” Governante ne’e hateten hodi responde preokupasaun Deputadu sira-nia iha reuniaun plenária Parlamentu Nasionál, tersa ne’e.

Antes ne’e mós Deputadu CNRT, Anacleta Freitas, foti preokupasaun kona-ba estrada diresaun ba postu administrativu Uatulari antigu husi mota Bebui-Afaloikai ba to’o Nunumalau-Iraler, Nahae, Babulo ne’ebé mak populasaun suku neen iha postu administrativu ne’e asesu ho kondisaun ne’ebé mak grave tebes, difikulta ba transporte públiku hodi lori komunidade nia produtu lokál ba merkadu no mós difikulta ambulánsia atu transporte pasiente sira ba sentru saúde Uatulari hodi halo atendimentu.

“Tinan 20-resin ona estrada ne’e ho kondisaun grave tebes, difikulta tebes ba movimentasaun. Ho nune’e, nu’udar reprezentante povu iha uma fukun Parlamentu husu ba ministériu relevante hodi tau tau atensaun,” nia hato’o iha  uma-fukun Parlamentu Nasionál.

Notísia Relevante: KM aprova adjudikasaun kontratu projetu reabilitasaun estrada Uatulari-Laisorulai

Jornalista : Nelson de Sousa

Editór        : Cancio Ximenes   

iklan
iklan

Leave a Reply

iklan
error: Content is protected !!