iklan

HEADLINE, LEI, MUNISÍPIU, OÉ-CUSSE (RAEOA)

STAE divulga sistema resensiamentu eleitorál ho dadus biométriku iha Oé-Cusse

STAE divulga sistema resensiamentu eleitorál ho dadus biométriku iha Oé-Cusse

Sekretariadu Tékniku Administrasaun Estatál (STAE), kuarta ohin, hala’o sensibilizasaun sistema informasaun resenseamentu eleitorál ho baze biométriku ba entidade sira iha Rejiaun Administrativa Espesiál Oé-Cusse Ambeno (RAEOA). Imajen Tatoli/Abílio Elo Nini.

OÉ-CUSSE, 19 juñu 2024 (TATOLI) – Sekretariadu Tékniku Administrasaun Eleitorál (STAE), kuarta ne’e hala’o sensibilizasaun sistema informasaun resenseamentu eleitorál ho dadus biométriku ba entidade sira iha Rejiaun Administrativa Espesiál Oé-Cusse Ambeno (RAEOA).

Diretór Jerál STAE, Erviro Fernandes Monis, esplika, objetivu husi  sensibilizasaun ne’e, ba asuntu prinsipál rua, kona-bá resenseamentu eleitorál no atualizasaun bazededadus ho baze biométriku.

“Biométriku ne’e sistema foun, STAE presiza introdús hodi moderniza ita-nia sistema resenseamentu eleitorál, atu garante ema-nia identidade pesoál,” Erviro Fernandes Monis, ko’alia iha salaun administrasaun Numbei.

Notísia relevante: Komisaun A aprova proposta realizasaun resensiamentu dadus biométriku

Tuir nia, resensesamentu eleitorál iha Timor-Leste, nia durasaun tempu naruk ona, hahú introdús iha 2023 ho sistema manuál, 2007 ho semi-biométriku to’o 2024 ne’e presiza muda ona,

Nia esplika, ho sistema biométriku  ne’e, sei minimiza ona fraude eleitorál, falsifikasaun tanba iha eleitorál balu kartaun dupla, tán ne’e iha tempu badak STAE sei hala’o mós divulgasaun ba nível suku no aldeia tanba ba oin sei laiha ona sistema manuál.

Tanba ne’e bainhira sistema ne’e estabelesidu, sei fasilita ema hotu la’ós de’it ba identidade pesoál maibé fasilita mós públiku tomak ba eleisaun iha futuru tanba bainhira sistema rejistu la’o di’ak ona, iha eleisaun la presiza uza tinta tanba sistema kapta hela no halo manipulasaun ladi’ak.

“Rai barak agora uza hela sistema ne’e, sistema ida-ne’e bele kontrola ema-nia identidade labele dupla no ida-ne’e mós bele ajuda futuru rejista partidu polítiku sira. Bainhira sistema ne’e estabelese di’ak ona, sekretu intelijénsia nian mak bele asesu hotu atubele identifika ema-nia identidade loloos,” nia akresenta.

Nia dehan, Timor-Leste presiza sistema ne tanba mundu daudaun iha mudansa, tanba ne’e tenke la’o tuir evolusaun.

Diretór CNE Oé-Cusse, Tomás Oqui Meta, esplika, atividade divulgasaun informasaun ne’e importante no presiza duni realiza ba eleitór sira. tanba sistema ne’e foun hafoin Ministériu Administrasaun Estatál (MAE) aplika liuhusi STAE ne’ebé mak implementa sei halo atualizasaun ka rejistu ba kartaun eleitorál ba eleitór sira-ne’ebé atinje ona tinan 16 ba leten.

“Tán ne’e mak, tenke persiza tanba tuir CNE nia observasaun, ne’ebé lei fó kompeténsia ba CNE atu tau matan  haree duni katak, presiza halo mudansa sistema, tanba husi parte CNE mós identifika implikasaun barak tanba dadus mate sei barak, hahú husi 2003 to’o agora seidauk hamoos iha ema barak uza kartaun eleitorál mós dupla balu rua to’o tolu,” nia katak.

Nia relembra, iha eleisaun parlamentár 2023, eleitór iha Oé-Cusse rihun 55-resin, sira-ne’ebé la vota ne’e 9.978, signifika ema sira mate mós iha laran hotu tan ne’e pursentu ba ema la vota ne’e sa’e.

Notísia relevante: STAE abertura edukasaun sívika ba estudante ESG Baqui atu promove partisipasaun

Jornalista: Abílio Elo Nini

Editór: Evaristo Soares Martins

 

iklan
iklan

Leave a Reply

iklan
error: Content is protected !!