iklan

HEADLINE, KAPITÁL

Alargamentu rate Becusse atinje ona 90%

Alargamentu rate Becusse atinje ona 90%

Presidenti Autoridade Munisipiu dili, Gregorio Saldanha. Foto Tatoli/Antonio Daciparu

DILI, 21 juñu 2024 (TATOLI)Prezidente Autoridade Munisípiu (PAM) Dili, Gregório Saldanha, informa, alargamentu ba rate Becusse daudaun ne’e nia progresu atinje ona 90%.

“Ita hein tan 10% atu termina, ne’ebé ita hotu hein rezultadu,” PAM Dili hateten, iha Tasi-tolu, sesta ne’e.

Notísia relevante : AMD: Labele hakoi mate iha uma oin, hakoi iha rate

Antes empreza halo ramata ninia obra, daudaun ne’e Autoridade Munisípiu Dili (AMD) hahú prepara hela regulamentu atu regula bainhira família ruma atu hakoi mate-isin.

“Regulamentu sira ne’e mak hanesan medida bainhira hakoi mate, rate nia medida hotu tenke hanesan, labele balun halo andar no balun baibain, maibé regulamentu sira ne’e ita sei prepara hela ne’ebé bainhira finaliza hotu ita sei fó sai,” nia akresenta.

Medida alargamentu rate Becusse ne’e rasik metru kuadradu 1.400, ne’ebé responsável husi empreza Gaerenez Unipessoal, Lda, ho valór kontratu $309.409, 28, númeru projetu SS:03/KAM-AM Dili/V/2023, data hahú konstrusaun iha loron 18 dezembru 2023.

Jornalista      : Arminda Fonseca

Editora           : Julia Chatarina

iklan
iklan

Leave a Reply

iklan
error: Content is protected !!