DILI, 25 juñu 2024 (TATOLI)—Membru Parlamentu Nasionál (PN) liuhusi Deputadu CNRT, Leandro Lobato, husu Governu liuhusi Ministériu Obra Públika (MOP) atu solusiona problema traballadór Guarda Lorosa’e.
Notísia Relevante: Komisaun E husu MOP rezolve traballadór Guarda Lorosa’e nia problema
“Aproveita oportunidade ne’e hato’o rezolusaun Parlamentu kona-ba traballadór Guarda Lorosa’e, tanba ita aprova ona rezolusaun ne’e tinan ida ona to’o agora seida’uk iha andamentu. No, traballadór Guarda Lorosa’e kuaze kontinua iha segunda-tersa mai reklama sira-nia direitu,” nia hato’o liuhusi intervensaun iha reuniaun plenária Parlamentu, tersa ne’e.
Nune’e mós, Deputada FRETILIN, Lidia Norberta mós sekunda ho situasaun traballadór Guarda Lorosa’e no PN rasik aprova ona rezolusaun iha lejislatura anteriór maibé kaduka ona, nune’e hakarak propoin iha plenária ne’e iha lejislatura daneen ne’e bele fó kontinuidade fila-fali.
Deputada CNRT, Cedelízia Farria dos Santos, mós husu Governu atu iha seriedade hodi haree ba problema ida-ne’e.
Liuhusi reuniaun plenária ne’e, reprezentante Governu liuhusi Sekretária Estadu Igualidade (SEI), Elbina de Sousa rejista preokupasaun Deputadu sira-nian ne’e no sei envia ba ministériu tutela
Jornalista : Nelson de Sousa
Editór : Cancio Ximenes
