Top

PN sei fó pose ba komisáriu CAC eleitu iha tempu badak

Rui Pereira dos Santos. Imajen Tatoli/Rafy Belo

DILI, 27 juñu 2024 (TATOLI)—Parlamentu Nasionál (PN) sei fó pose ba komisáriu Komisaun Anti-Korrupsaun (CAC, silgá portugés) iha tempu badak.

Notísia Rrelevante: PN eleze Rui Pereira sai komisáriu CAC ho votu afavór-41

“Ohin, reuniaun líder bankada fó kompeténsia ba Prezidente Parlamentu sei deside data ne’ebé hotu-hotu disponível hodi bele fó pose ba ita-nia komisáriu iha tempu badak, iha semana  ne’e ka semana oin,” Segundu Sekretária Meza PN, Maria Teresa Gusmão, hateten ba jornalista sira hafoin reuniaun líder bankada iha sala konferénsia Parlamentu, kinta ne’e.

Presiza fó pose ona ba komisáriu CAC eleitu, nune’e bele hala’o serbisu tanba tinan ida resin ona mak fatin ba komisáriu CAC ne’e mamuk.

Enkuantu, iha 24 juñu ne’e, PN reuniaun plenária realiza eleisaun eskrutinu hodi eleze Rui Pereira dos Santos, sai komisáriu CAC ho votu afavór 41, konta haat (4) no abstensaun 0, husi deputadu prezente 45.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!