Salimagu entrega tan ai-moruk ba INFPM

DILI, 05 jullu 2024 (TATOLI)—Diretór Aprovizionamentu iha Institutu Nasionál Produtu Farmaséutiku no Médiku (INFPM), Mariano da Silva, informa katak Empreza Salimagu entrega tan ai-moruk item sanolu ba INFPM.

“Horisehik no ohin, Empreza Salimagu entrega tan ai-moruk sanolu ne’ebé hatama husi Indonézia ba INFPM, no ai-moruk sira ne’e entrega tuir kontratu ne’ebé implementa ona husi Empreza no INFPM,” Mariano da Silva dehan ba TATOLI, iha nia kna’ar fatin, ohin.

Notísia relevante:Empreza Sali-Magu hatama ona ai-moruk kontentór 6 ba INFPM

Diretór ne’e relata, item sanolu ne’ebé entrega husi Empreza Salimagu ekipa sira simu no fiskalizasaun (R&I) hodi halo verifikasaun molok entrega ba armazein sentrál INFPM hodi halo distribuisaun ba fasilidade saúde sira.

“Ai-moruk item 10 ne’ebé empreza lori mai mak hanesan Antacid Doen 400 MG Box @ 100 tablets, Ramoxyl 500 MG Box @100 tablets,Simvastatin 20 MG Box @100 tablets, Rheu-Trex 2.5 Mg Box @ 50 tablets, Methylergometerine Maleate inj 0.2 MG/ML Box @ 5 ampoulas, Bucain Spinal 0.5% 0.5%/4 Ml Box @ 5 ampoulas,Amikacin Sulfate 250 Mg Box @ 5 ampoulas,Insulatard HM Flexpen 100 Iu/ML Box @5 Flexspen,Glukonatu Kalsiu INJ 10% Kaixa @ 24 ampoula no Actrapid hm Flexpen 100 Iu Box @5 Flexspe,” nia esplika.

Ezekutivu ne’e relata, produtu médiku sira ne’e sei fahe ba ospitál sira iha Nasionál no ospitál rejionál sira tuir pedidu ne’ebé iha, nune’e ida-idak bele presta atendimentu no tratamentu ba pasiente sira.

Notísia relevante:Aimoruk konsumivel hosi Indonézia to’o ona Timor-Leste

Jornalista : Felicidade Ximenes

Editór: Rafael Ximenes de A. Belo