Konstrusaun ponte Casnafar atinje ona 60%
DILI, 08 jullu 2024 (TATOLI)—Ministru Obra Públika, Samuel Marçal, hateten, progresu serbisu konstrusaun ponte Casnafar daudaun atinje ona 60%.
“Progresu serbisu konstrusaun fíziku ba ponte Casnafar nian daudaun atinje ona 60%, ne’ebé tuir planu obra referidu sei ramata iha setembru 2024,” Ministru informa ba Agência Tatoli, iha ninia knaar fatin, Caicoli, segunda ne’e.
Notísia relevante : MAPPF hakarak harii postu revista iha Casnafar ho osan rihun $25-resin
Empreza Carya Timor-Leste Lda responsável ba obra ne’ebé tuir kontratu ninia naruk metru 70, maibé tékniku sira aumenta tan metru 10, nune’e totál naruk metru 80.
Governu prevee orsamentu $3.632.896,18 iha Fundu Infraestrutura ba projetu ne’e.
Projetu ne’e ho númeru kontratu SSS/051/MOP/2023 no naran projetu Contruction of New Bridge 70, 2 SpanPre-stressed Box Grider Double Cell, Bee mooo, Kasnafar, Dare Municipility of Dili.
Jornalista : Arminda Fonseca
Editora : Julia Chatarina
