iklan

HEADLINE, KAPITÁL

Vendedór 368 mak fa’an provizoriamente iha merkadu Manleuana

Vendedór 368 mak fa’an provizoriamente iha merkadu Manleuana

Merkadu Manleuana Dili, kinta (12/10). Imajen Tatoli/Francisco Sony

DILI, 10 Jullu 2024 (TATOLI) – Segundu Vise ba Jestaun Merkadu Manleuana, Elvino dos Santos, informa negosiante hamutuk 368 mak daudaun ne’e fa’an provizoriamente iha merkadu Manleuana.

Maioria husi vendedór sira ne’e fa’an roupa uzada ka obralan ne’ebé muda sai husi Ai-Mutin iha tinan kotuk. Husi totál númeru negosiante sira ne’e, ida ne’ebé fa’an produtu lokál hamutuk 86, ai-funan lokál 41, loke kioske 11, dulas nuu rua, loke salaun beleza rua no seluk tan.

“Vendedór balun sira uza baraka hodi fa’an no balun fa’an iha merkadu leet sira ne’e, tanba fatin ba sira seidauk iha”, Elvino dos Santos hato’o ba Tatoli, iha merkadu Manleuana.

Responsável ne’e garante katak vendedór sira ne’e halo atividade ida ho hakmantek hodi fa’an sira-nia kioske no produtu lokál sira iha merkadu leet sira, nune’e hein alargamentu merkadu.

Lembra katak Governu daudaun ne’e planeia ona atu halo alargamentu ba merkadu Manleuana ne’ebé la sufisiente atu akumula vendedór sira hodi hala’o sira-nia atividade ekonómika.

Governu sosa ona rai ektare rua ho montante rihun $74  iha merkadu Manleuana nia kotuk atu alarga tan, nune’e bele muda vendedór sira bá iha fatin ne’e.

Notísia relevante: Ministériu anunsia ‘’em breve’’ konkursu ba reabilitasaun merkadu Manleuana-Taibesi

Jornalista: Jesuína Xavier

Editora: Maria Auxiliadora

iklan
iklan

Leave a Reply

iklan
error: Content is protected !!