DILI, 18 jullu 2024 (TATOLI)–Ministériu Edukasaun (ME) liuhusi Gabinete Avaliasaun Lisensiamentu no Akreditasaun (GALA), fó ona lisensa ba eskola internasionál hamutuk 15 iha Timor-Leste.
“Eskola sira-ne’e hetan lisensa hahú husi tinan 2022 to’o 2023 iha nível eskolaridade. Natureza eskola internasionál ho lokál diferente, internasionál fó lisensamentu, ita la halo akreditasaun tanba sira la uza kurríkulu li’ur nian. Ita fó regra katak depois tinan ida fulan neen sira tenke aprezenta ona rezultadu akreditasaun hosi instituisaun ne’ebé fó autorizasaun hodi uza kurríkulu. Ida-ne’e sira tenke fó ita haree katak sira hetan akreditasaun. Maibé ita nafatin halo monitorizasaun,” Koordenador GALA, António Tomas Maia, informa ba Agência Tatoli iha ninia knaar fatin, Vila Verde, kinta ne’e.
Kritériu ba eskola internasionál sira ba lisensiamentu mak tenke kumpre padraun tolu, hanesan ba eskola sira internasionál tenke iha nia lukrutivu, nia iha mós regra relativa propina, no tenke iha primeiru sokoru, alarma ahi nian.
“Ita-nia monitorizasaun ne’e la’o hela, depois rezultadu mak haree took eskola sira-ne’e tanba ita la haree kuandu sira la hetan akreditasaun mak instituisaun ne’ebé mak fó lisensa ba sira, mak ida sei afeta ba rekoñesimentu ba diploma, se la akreditadu mak halo transferénia mós araska” nia akresenta.
Notísia relevante : MEJD foin akredita eskola internasionál rua iha Dili
Lisensa operasionál ba eskola internasionál hamutuk 15nível eskolaridade iha Timor-Leste, husi tinan 2020 to’o 2023.
Husi tinan 2020 Eskola Pre-Eskolár (EPE)-Tais Internasionál School Dili, St. EPE-Jude Thadeu International school Dili, Eskola Báziku (EB)-Tais Internasionál School Dili, EB-Jude Thadeu Internasionál School, Ensinu Sekundáriu Jerál (ESJ), Acreditação de Dili internacional School Dili, ESJ Sekundáriu Jerál Jude Thadeu International school Dili.
Tinan 2022, EPE-Heritage International School Dili, EPE -St. Mercy’s Child Development International School Dili, EPE -St. Anthony’s Internationál School Dili, EPE -International school Renover Ainaro, EPE -International School Li’l Active Minds Manatuto. EB-St. Anthony’s International School Dili, EB-Heritage International School Dili, EB -St. Mercy’s Child Development International School Dili, EB -International School St. Paulo Methodist Dili.
Eskola 15 maioria husi nasaun Filipina no tinan 2024 iha eskola ida mak eskola Pelikan.
Jornalista : Osória Marques
Editora : Julia Chatarina
