BOBONARO, 25 jullu 2024 (TATOLI) — Ministériu Administrasaun Estatál (MAE) liuhosi Diresaun Nasionál Apoia Administrasaun Suku hamutuk ho Autoridade Munisipál Bobonaro, realiza atividade formasaun hodi kapasita Ofisiál suku na’in-200 kona-ba rekoLla dadus Aldeia no suku, Jestaun Administrasaun, Jestaun finanseira, PrenXimentu livru 18 suku nian.
Sekretáriu Autoridade munisipál Bobonaro ba Asuntu Sosiál, Júlio Carvalho Caero, esplika, formasaun importante tebes tanba polítika IX Governu halo rekrutamentu ba ofisiál suku atu reforsa administrasaun iha suku hodi fasilita atendimentu di’ak liután ba komunidade.
Notísia relevante: Espasu sede suku la sufisiente atu akumula ofisiál foun na’in-haat
“Ami tún ba haree mak hakerek coret coret ne’e bele hatene dehan ofisiál ne’e seidauk bele, avaliasaun dezempeñu ne’e haree husi ne’e, la’ós hare imi tama-sai ne’e, atu haree administrativu imi prienxe formatu ne’e komprende ka lae, prienxe ne’e mós ka lae, ne’ebé nia formasaun ida-ne’e ha’u husu imi aproveita didi’ak, nune’e fila fali ba ne’e implementa,” nia hateten iha salaun Mari-Tapo, kinta ne’e.
Daudaun ne’e Diresaun Servisu Munisipál Aprovizionamentu kompara hela komputadór ne’ebé iha tempu badak sei distribui kada suku rua ka tolu.
Nia husu ba ofisiál suku sira atu hatoman-aan uza komputadór tanba foin lalais liuhosi prosesu rekrutamentu deteta ofisiál suku balu iha Lolotoe la hatene uza komputadór.
Enkuantu formasaun ne’e loron dahuluk ba Ofisiál sira husi suku 25 iha postu administrativu Bobonaro ho Lolotoe no sesta ba suku 25 iha postu administrativu Atabae, Cailaco no Maliana.
Notísia relevante: PAM Bobonaro husu funsionáriu suku 200 ativu iha sede suku
Jornalista: Sergio da Cruz
Editór: Evaristo Soares Martins
