Profesionalizmu militar no polísia Bangladesh iha revolusaun 2024
Repúblika Popular Bangladesh hanesan nasaun ne’ebé lokaliza iha Asia do sul ne’ebé hetan nia independensia husi Pakistan iha tinan 1971 liu husi funu ba ukun rasik aan ne’ebé lidera husi Sheikh Mujibur Rahman ho total pulasaun 169,828,911 tuir sensus 2022. Bangladesh hanesan provinsia ne’ebé ho populasaun barak liu iha Pakistaun iha 1947 uainhira haketak aan husi India.
Líder independentista Sheikh M Rahman hanesan Aman husi Sheikh Hasina ne’ebé foin rezignaan husi Primeiru Ministru hafoin revolusaun ne’ebé lidera hosi estudante hodi hatuun governu tanba alegasaun korupsaun no ditadura husi rejime Sheikh Hasinah.
Revolusaun Turmoil akontese tanba insatisfasaun husi sosiedade tanba korrupsaun no ditadura akontese iha rejime Sheikh Hasinah durante tinan-16 nia ukun ne’ebé laiha Liberdade expresaun iha Bangladesh, iha governasaun ladi’ak ka korrupsaun, violasaun direitu umanu. Revolusaun hahú iha loron 5 fulan-jullu to’o agustu ne’ebé obriga Primeiru-ministru Sheikh Hasinah Rezigna aan husi nia kargu.
Revolusaun ne’e rezulta ema 400 mak mate inklui labarik 38 tuir dadus UNICEF nian, konsekuénsia ekonomia monu, rede internet hamate iha territóriu laran tomak iha loron 18 fulan-jullu maibé estudante no sosiedade sívil buka meiu barak hakbesik aan ba rede internet rasik liu husi Facebook no WhatsApp hodi organiza nafatin demonstrasaun to’o atinji sira-nia objetivu hodi hatuun governu ne’ebé alegadu korruptu no ditadura.
Iha essai ida ne’e hakerek-nain hakarak ko’alia kona-ba profesionalizmu forsa seguransa iha revolusaun Turnmoil 2024.
Atuasaun militar Bangladesh iha Revolusaun 2024 hanesan aktu profesionalizmu ne’ebé hanesan banati padraun military profesionál ne’ebé hasees aan husi influénsia polítika husi grupu ka individu balu no servi de’it interrese povu. Deklasaun Xefe Estadu Maior Forsa armada ne’ebé sita husi observadór defeza no seguransa Safgat Munir hateten, “We stand with the people and we don’t obey any unllawfull order to kill our own people” ami hamrik ho povu no sei lahalo tuir orden ruma ne’ebé la tuir lei no atu oho ami-nia povu rasik. Forsa seguransa rejeita orden hodi oho demonstrante sira.
Iha sorin seluk tuir matenek-na’in Samuel Huntinton hateten militar ne’ebé professional mak iha Badaen (expetice) Espiritu de korpu (team work), Responsabilidade sosiál no livre husi polítika no negósiu ka bisnis. Farouk Muhamad hateten Polísia ne’ebé profesionál maka polísia ne’ebé iha disiplina, efisiénsia no efikas. Atualmente númeru Força armada Bangladesh hamutuk rihun-250 (250.000) la inklui forsa aereo no navál rihun-24 (24.000). Totál orsamentu 1.3% husi totál GDP ka billaun 3,4 USD iha tinan-2023. Forsa armada ajuda autoridade sívil sira apoiu ba atende dezastre naturál no apoiu polísia iha manutensaun ordem públika. Forsa seguransa sira rekoñese iha atuasaun agresivu hodi hakalma situsaun ho re-establese ordem públika ho lalais.
Ho elaborasaun iha leten atu konklui katak forsa seguransa sira la halo tuir orden latuir lei husi polítiku sira no hatudu imparsialidade iha revolusun ida ne’e, sira rekoñese nafatin iha agresaun hodi hakalma situasaun no re-establese fali ordem no trankuilidade públika.
Antes termina Hakerek-na’in atu rekomenda ba autór seguransa iha Ázia no Timor-Leste atu mantein imparsiál iha atuasaun sira no kumpri de’it lei ne’ebé vigór no banati tuir ezemplu ne’ebé akontese iha revolusaun Bangladesh 2024 ne’ebé hatete “Ami hamriik ho povu no sei latuir orden ilegál ne’ebé mai husi ne’ebé deit, prezerva no proteje interrese nasionál sira, lori sala-na’in sira ba justisa, garante direitu no Liberdade sidadaun sira.
Dr. Arquimino Ramos, S.Sos, B.Bus, MM
Hakerek-nain hanesan dosente Universidade da Paz no IDN no artigu ne’e la reprezenta instituisaun ne’ebé haknaar aan ba.
