Jornalista Vaticanu Pier Luigi alta ona iha HNGV no fila ona
DILI, 13 setembru 2024 (TATOLI) – Jornalista ida husi Vaticanu, Pier Luigi ne’ebé hala’o tratamentu iha Hospitál Nasionál Guido Valadares ( HNGV) iha loron 11 setembru, alta iha lokraik no fila ba Vaticanu iha 12 setembru.
Antes ne’e, Diretór Servisu Nasionál Ambulánsia Emerjénsia Médika, Simplicio Amaral de Deus, informa Jornalista Pier Luigi hetan tratamentu ospitalár tanba hetan moras hemorosis.
”Jornalista ida husi Vaticanu halo tratamentu iha HNGV tanba hetan moras hemorosis signifika raan sai husi sintina boot”, Simplicio afirma.
Nia dehan, moras hemorosis ne’e labele han aimanas, maibé jornalista, antes ne’e, konsumu ai-manas iha Indonézia to’o mai Timor-Leste.
”Iha Indonézia konsumu ai-manas depois iha Timor-Leste kontinua han aimanas, entaun provoka ran sai iha sintina boot nian, nune’e mak ita-nia ekipa ambulánsia evakua nia iha Timor-Plaza iha loron 11 setembru 2024 tuku 10 dader no lori ba HNGV hodi halo tratamentu”, nia konklui
Notísia relevante : Jornalista ida husi Vaticano halo hela tratamentu iha HNGV
Jornalista : Felicidade Ximenes
Editór : Zezito Silva
