PN realiza sesaun solene abertura lejislativa daruak iha 16 setembru
DILI, 13 setembru 2024 (TATOLI)—Parlamentu Nasionál (PN), segunda (16 setembru 2024) semana oin, sei realiza sesaun solene abertura sesaun lejislativa daruak nian iha lejislatura daneen.
Notísia Relevante: https://tatoli.tl/2024/09/05/pr-sei-hatoo-mensajen-ba-povu-iha-abertura-sesaun-solene-lejislativa-daruak-iha-pn/
Tuir ajenda ne’ebé Ajénsia TATOLI asesu husi mídia PN, sesta ne’e, katak iha 16 setembru hala’o sesaun solene abertura sesaun lejislativa daruak nian ba lejislatura daneen iha Parlamentu iha tuku 10h00 dadeersan.
Serimónia ne’e sei partisipa husi Prezidente Repúblika (PR), José Ramos Horta, Primeiru-Ministru (PM), Kaya Rala Xanana Gusmão, Prezidente Tribunál Rekursu, Deolindo dos Santos.
Sesaun solene abertura sesaun lejislativa daruak nian iha lejislatura daneen ne’e, sei dirije direta husi Prezidente Parlamentu Nasionál, Maria Fernanda Lay.
Tuír ajenda, sei iha intervensaun polítika husi bankada Parlamentár, hafoin ne’e sei dirije mensajen husi Xefe Estadu ba Parlamentu Nasionál.
Enkuantu, PN hahú tama resesu iha 15 jullu no tuir oráriu sei tama fila0fali iha segunda (16 setembru 2024) semana oin.
Entretantu, lejislatura ida iha mandatu tinan lima no sesaun lejislativa lima, ba lejislatura daneen ne’e kompleta ona sesaun lejislativa dahuluk no agora atu tama ba sesaun lejislativa daruak.
Jornalista : Nelson de Sousa
Editór : Cancio Ximenes
