DILI, 17 setembru 2024 (TATOLI)—Meza Parlamentu Nasionál (PN), tersa ne’e, liuhusi reuniaun plenária hala’o anúnsiu admisaun no baixa ba komisaun A trata asuntu Justisa no Konstitusionál ba proposta-lei númeru 11/VI(1a)-autorizasaun lejislativa iha matéria fisasaun limite idade ba relasaun serbisu funsionáriu públiku no ajente administrativu.
Notísia Relevante: Komisaun A submete paresér lejislativa limitasaun idade reforma ba funsionáriu públiku
“Iha períodu orden do dia, anúnsiu admisaun no baixa ba komisaun A trata asuntu Justisa no Konstitusionál ba proposta-lei númeru 11/VI(1a)-autorizasaun lejislativa iha matéria fisasaun limite idade ba relasaun serbisu funsionáriu públiku no ajente administrativu, ami hatun tiha ona ba komisaun A,” Prezidente Parlamentu Nasionál, Maria Fernanda Lay, fó sai iha sala plenária PN.
Ho nune’e, nai dehan, komisaun A sei fó ninia apresiasaun inisiál ba proposta lei ne’e.
PPN, seida’uk esplika detallu kona-ba konteúdu proposta-lei ne’e tanba komisaun A sei halo uluk ninia apresiasaun inisiál.
Jornalista : Nelson de Sousa
Editór : Cancio Ximenes
