Dezembru, alteta na’in-rua bá kompete kampeonatu mundiál natasaun iha Hungaria
DILI, 18 outubru 2024 (TATOLI)– Prezidente Federasaun Natasaun Timor-Leste (FNTL), Laurentino Guterres, hateten fulan Dezembru tinan ne’e, sei haruka atleta na’in-rua ba tuir kompetisaun kampeonatu mundiál natasaun (World Championships) iha Hungaria.
“Ita sei haruka atleta rua ba tuir kompetisaun World Championships iha Hungaria iha fulan Dezembru. Ida-ne’e hakarak ka lakohi ita tenke haruka atleta ba partisipa kompetisaun ne’e se la’e ita kona sansaun la tuir kompetisaun hotu, nune’e ami sei esforsu oinsa haruka ita nia atleta sira ba tuir kompetisaun ne’e,” Laurentino hateten ba Agência TATOLI iha edifisiu Komite Olimpiku Nasionál Timor-Leste (CONTL-sigla Portugés) Dili, sesta ne’e.
Daudaun ne’e, federasaun halo hela preparasaun ba atleta sira, nune’e tempu besik bele halo selesaun ba atleta sira hafoin haruka ba tuir kompetisaun ne’e hodi reprezenta Timor-Leste.
Tuir oráriu ne’ebé fó sai ona husi World Championships katak kompetisaun sei hala’o iha loron 12 to’o 15 fulan-dezembru 20224 no atividade ne’e ho karakter obrigatoriu.
“Kritéria jogu Olimpiku internasionál nian mak tenke tuir eventu internasionál sira atu ita bele prinse. Nune’e ba tinan ida ne’e ita tenke haruka atleta sira ba Hungaria,” nia kompromete.
Nasaun ne’ebé sei kompete iha World Championships iha Hungaria hamutuk 206.
Kapitál húngaru iha istória riku ida hodi sai uma-na’in ba eventu sira Mundiál Akuátika nian, organiza ho susesu edisaun sira 2017 no 2022 nian husi Kampionatu Mundiál Akuátika nian no eventu oioin Tasa Mundiál nian.
Maibé, Kampionatu Mundiál Natasaun nian ne’ebé sei hala’o iha fulan Dezembru 2024 sei marka iha Hungria nia dahuluk hanesan uma-na’in ba kampionatu mundiál sira iha piscina 25m.
Programa kompetisaun nian sei hala’o durante loron neen, ho sesaun dadeer nian ne’ebé dedika ba manas sira no sesaun kalan nian ne’ebé iha semi-finál no finál sira, hotu-hotu sei hala’o iha Duna Arena ne’ebé respeitadu.
Notisia relevante:Tinan ne’e, FNTL fó ona formasaun ba estudante no treinadór na’in-25
Jornalista: Hortencio Sanchez
Editór: Florencio Miranda Ximenes
