Governu sei estabelese edifísiu Balkaun Úniku iha Bobonaro
BOBONARO, 23 outubru 2024 (TATOLI) – Ministériu Administrasaun Estatál (MAE) iha sei estabeles edifísiu Balkaun Úniku iha munisípiu Bobonaro atu promove prosesu desentralizasaun no prestaaaun serbisu iha nível lokál.
“Ita mós tempu badak nia laran tenke ser halo konstrusaun edifísiu Balkaun Úniku, saida mak iha-ne’ebá, reseita sira ne’ebé hetan husi Balkaun Úniku 10% sei rai hela ba munisípiu,” Prezidente Autoridade Munisípiu Bobonaro, Alexandrino Pires, ko’alia iha salaun Maria-Tapo, kuarta ne’e.
Nia hatutan, estabelesimentu balkaun úniku importante tebes tanba defaktu munisipíu Bobonaro enfrenta hela problema hanesan profesór balu moras la ativu servisu tinan barak ona maibé saláriu sei kontinua la’o normál.
“Iha Paiól ema kompletu, mas bainhira hahú ezame nasionál ita triste, funsionamentu profesór sira atu halo vijilánsia ba estudante sira, tanba ita uza sistema manuál,” nia katak.
Balkaun Úniku hanesan rezultadu projetu parséria entre Programa Nasaun Unida ba Dezenvolvimentu (PNUD) no Ministériu Administrasaun Estatal (MAE) hanesan inovasaun importante ida husi Governu atu lori servisu públiku hodi besik ba sidadaun sira.
Inisiativa estabelese balkaun únuku ne’e hanesan komitmentu konkretu atu promove governasaun di’ak liuhusi estratéjia desentralizasaun ne’ebé adapta ho nesesidade populasaun.
Nune’e mós fasilita informasaun sira ho asesu gratuita iha portal balkaun úniku neʼebé konverte ona ho portál munisípal nian ho dadus sira liga ho aréa sira hanesan dadus populasaun, agrikultura, rekursu minerál, fasilidade saúde, protesaun sosiál, edukasun, língua no relijiaun.
Balkaun úniku ema hotu bele asesu servisu sira seluk ne’ebé la hanesan, poupa tempu no osan, administrasaun governu, saúde, edukasaun, bee no saneamentu, mobilidade, urbana, konservasaun ambientál.
Blkaun úniku ne’e Ministériu Justisa mak parseiru importante ida iha esforsu ne’e.
Nune’e, iha faze dahuluk, sei asesu ba servisu sira husi Diresaun Jerál Servisu Rejistru no Notariadu hanesan billete identidade, rejistru kriminál, hasai passaporte inklui sistema informasaun resensiamentu eleitorál biométriku.
Notísia relevante: PM Xanana lansa edifisiu no portal Balkaun Úniku iha Manatuto
Jornalista: Sérgio da Cruz
Editór: Evaristo Soares Martins
