DILI, 24 outubru 2024 (TATOLI) – Governu liuhosi reuniaun Konsellu Ministru, kinta ne’e, iha Palásiu Governu Dili, deside hodi fó toleránsia pontu iha loron 31 fulan-outubru tinan-2024, ne’ebé konsidera katak iha loron 1 no 2 fulan-novembru selebra Loron Santu sira Hotu nian no Loron Matebian sira nian hotu nian.
“Loron sira ho importánsia boot ba komunidade Katólika no prevee ona hanesan feriadu nasionál tuir Lei n. 3/2016, loron 25 fulan-maiu,” tenik iha nota ne’ebé Agência TATOLI asesu hosi portál Governu.
Desizaun ida-ne’e ho objetivu atu fasilita movimentu populasaun nian ba sira-nia rai moris fatin, hodi permite sira atu partisipa iha selebrasaun relijioza sira ne’e.
Notísia relevante:Selebra Konsulta Populár, Governu deside toleránsia pontu iha 28 no 29 Agostu
Jornalista: Hortencio Sanchez
Editór: Rafael Ximenes de A. Belo
