DILI, 13 novembru 2024 (TATOLI)–Parlamentu Nasionál (PN) liuhusi debate Orsamentu Jerál Estadu (OJE) 2025 iha faze espesialidade ba loron daruak nian, aprova proposta orsamentu ba Vise Primeiru-Ministru iha área sosiál ho montante $1.100.000, ho votu afavór afavór 42, kontra 20 no abstensaun rua.
“Orsamentu ba Vise Primeiru-Ministru iha área sosiál pasa,” Prezidente Parlamentu Nasionál, Maria Fernanda Lay, fó sai iha debate proposta OJE 2025, iha faze espesialidade ba loron daruak, iha sala plenária PN, kuarta ne’e.
Notísia relevante : Governu hakarak dudu dezenvolvimentu sosiál, ekonómiku, no infrastrutura ho orsamentu 2025
Orsamentu ne’e hodi aloka ba saláriu no vensimentu $710.540, bens no servisu $389.460.
Husi orsamentu ne’e aloka ba programa funsionamentu no dezenvolvimentu institusionál ho sub-programa rua no atividade tolu.
Jornalista : Nelson de Sousa
Editór : Cancio Ximenes
