DILI, 14 novembru 2024 (TATOLI)—Parlamentu Nasionál (PN), kinta ne’e, aprova proposta Orsamentu Jerál Estadu (OJE) 2025 $ 6,058,762 ba Sekretária Estadu Kooperativa (SECoop, sigla portugés) iha faze espesialidade ho votu afavór 44 kontra 18 no abstensaun rua (2).
“Ne’ebé orsamentu SECoop pasa,” Prezidente Parlamentu Nasionál, Maria Fernanda Lay, fó sai iha debate proposta OJE 2025 iha faze espesialidade ba loron datoluk iha sala plenária PN.
Proposta OJE 2025 ba SECoop $6,058,762 hodi aloka ba saláriu vensimentu $2,187,870, bens no serbisu $1,920,892, transferénsia públika $1,850,000 no kapitál menór rihun $100.
Tuir dokumentu livru proposta OJE 2025 Planu Asaun Anuál Entidade públiku setór administrativu, ba tinan oin husi proposta orsamentu husi SEcoop hodi finansia programa dezenvolvimentu rurál no urbanu ho sub-programa promove no dezenvolvimentu produtu kooperativa ho nia atividade rua (2), sub-programa promove no estabelese kooperativa ho atividade hitu (7).
Programa funsionamentu no dezenvolvimentu institusionál ho sub-programa rua (2) no atividade hitu (7).
Jornalista : Nelson de Sousa
Editór : Cancio Ximenes
