DILI, 15 novembru (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2025 hamutuk $270,757,350 ba Ministériu Obras Públika (MOP) iha faze espesialidade ho votu afavór 43, kontra 15 no abstensaun lima (5).
Notísia Relevante: MOP kontinua implementa projetu infraestrutura 700-resin iha 2025
“Ne’ebé orsamentu MOP pasa,” Prezidente Parlamentu Nasionál, Maria Fernanda Lay, fó sai iha debate proposta OJE 2025 faze espesialidade iha sala plenária PN, sesta ne’e
Proposta OJE 2025 MOP $ 270,757,350 ne’e aloka ba saláriu vensimentu $ 9,182,148, bens no serbisu $ 19,032,404, transferénsia públika millaun $176,500, kapitál dezenvolvimentu $66,042,798.
Tuir dokumentu livru proposta OJE 2025 Planu Asaun Annual Entidade públiku setór administrativu, ba tinan oin husi proposta orsamentu husi MOP sei finansia programa estrada no ponte ho sub-programa investe iha planeamentu, atualizasaun, manutesaun no regulamentasaun rede rodaviáriu ho atividade rua (2), sub-programa mantein konserva ligasaun rodoviária rejionál iha territóriu ho atividade 119, sub-programa prevene no normaliza kontrla cheia iha territóriu ho atividade 131, sub-programa konstusaun estrada hotu no pontu iha territóriu ho atividade 140.
Programa dezenvolvimentu rurál no urbanu ho sub-programa estabelese no aplika kontrola kontrusaun ho atividade 15, sub-programa dezenvolve polítika planeamentu urbanu ho atividade 11, sub-programa mellora abitasaun nasionál ho atividade haat (4).
Programa funsionamentu no dezenvolvimentu instituisionál ho sub-programa rua no atividade 15.
Programa água no saneamentu ho sub-programa dezenvolvimentu no manutensaun sistema abastamentu água área rurál no urbanu ho atividade rua (2), sub-programa jestaun saneamentu ho atividade rua (2), sub-programa regulasaun jestaun ba rekursu hídriku no abastamentu bee iha área rurál no urbanu ho atividade neen (6).
Programa eletrisidade ho sub-programa apoiu destinadu peskiza regulasaun atividade elétrika ho atividade tolu (3), sub-programa enérjia elétrika oras 24 ho atividade ida (1).
Programa laboratóriu infraestrutura ho sub-programa dezenvolve no apoiu norma téknika no teste ba konstrusaun no enjenária sívil ho atividade haat (4), sub-programa kontrolu kualidade konstrusaun sívil no obra públika ho atividade ida (1).
Jornalista : Nelson de Sousa
Editór : Cancio Ximenes
