DILI, 22 novembru 2024 (TATOLI)–Prezidente Konsellu Administrasão Autoridade Portuáriu Timor-Leste (APORTIL), José de Oliverira Leong, informa reparasaun Ró-ahi Berlin Nakroma atinje ona 59%.
“Ami-nia meta iha dezembru ne’e, Ró-ahi Berlin Nakroma tenki fila mai Timor-Leste,” Prezidente Konsellu Administrasaun Autoridade Portuáriu Timor-Leste (APORTIL), José de Oliverira Leong, informa ba jornalista sira, iha Portu Dili.
Nia garante, molok tama ba tinan 2024 nia rohan ka ka komemorasaun loron boot Natál ne’e, Ró-ahi Berlin Nakroma sei retoma operasaun.
“Atividade operasaun Ró-ahi Berlin Nakroma entre Dili-Ataúro sei la’o fila fali iha dezembru nia laran,” nia dehan.
Ró Berlin Nakroman hahú halo manutensaun iha fulan-outubru ho durasaun tempu fulan rua iha Surabaya, Indonézia hodi bele retoma operasaun.
Governu liuhosi APORTIL I.P preve totál orsamentu rihun $786 ba manutensaun Ró-ahi Berlin Nakroma.
Notísia Relevante: APORTIL, I.P deside ró-ahi Berlin Nakroma la halo operasaun provizóriamente
Jornalista : Jesuína Xavier
Editór : Cancio Ximenes
