DILI, 13 dezembru 2024 (TATOLI)–Ministra Edukasaun, Dulce de Jesus Soares, akompaña ho dirijente sira, sesta ne’e, fó sai rezultadu ezame nasionál ba tinan akadémiku 2024 nian.
“Ministériu Edukasaun sente onradu atu fó sai rezultadu ezame nasionál sira ba tinan akadémiku 2024 nian. Totál estudante ne’ebé graduadu husi tinan akadémiku 2024 hamutuk ema na’in-55.661, ne’ebé kompostu husi Ensinu Báziku hamutuk ema na’in-28.216, Ensinu Sekundáriu Jerál hamutuk ema na’in-23.661, Ensinu Sekundáriu Tékniku Vokasionál hamutuk ema na’in-3.733 no ema na’in-364 husi Ensinu Rekorrente,” Ministra Edukasaun fó sai iha salaun Konferénsia Imprensa, Vila-Verde.
Estudante sira ne’ebé partisipa iha ezame nasionál, husi Ensinu Báziku iha estudante 27.954 ho auzénsia 262, husi Ensinu Sekundáriu Jerál iha estudante 23.322 ho falta 339, husi Ensinu Sekundáriu Tékniku Vokasionál iha estudante 3.682 ho auzénsia 51, husi Ensinu Rekorrente iha 337 ho falta 27.
“Hafoin halo korresaun no validasaun, rezultadu sira, indika katak iha Ensinu Báziku iha alunu 27.470 maka pasa, reprezenta 98,27%, enkuantu alunu 484 ekivalente ba 1,73% la prienxe kritériu nesesáriu ba aprovasaun, iha Ensinu Sekundáriu Jerál iha estudante 22.922 maka pasa, ne’ebé korresponde ba 98,28%, no estudante 400 ka 1,72% la pasa, iha Ensinu Tékniku Vokasionál Sekundáriu no Ensinu Rekorrente, estudante sira hotu pasa, korresponde ba 100%,” Ministra relata.
Notísia relevante : ME sei anúnsia rezultadu ezame nasionál iha loron 13 dezembru
Estudante Leoldinha Gloriana Costa Pereira husi Eskola Ensinu Sekundáriu Jerál munisípiu Lautém hetan primeiru klasifikasaun ho valór 66, segundu klasifikasaun mak Miguela Fátima Soares no Lúcia Tania Barros da Silva husi Eskola Ensinu sekundáriu Jerál (ESJ) CAFE Aileu ho valór 64, ESJ Santo Inâcio de Loiola mak Laurência Evangelina Pinto no Damarcia Ivonovic Ximenes Fransa ho valór 64, no ESJ Colégio Paulo VI, Crizelia Maria Morgolia Marcal ho valór 64.
Terseiru klasifikasaun ho valór 63 iha estudante na’in-neen hanesan Noel Fracelino da Costa Hornay husi Eskola São Pedro Comoro, Gabriela Ester do Santos husi Eskola CAFE Lautém, Livania Guterres Mesquita husi ESJ Colégio Paulo VI, Wilsonia do Santos Lopes husi ESJ Santa Madalena Canossa, Ester Nadia Mendes husi ESJ Anur no Melania Quelly da Crus Barros husi ESJ CAFE Lautém.
Estudante ne’ebé hetan primeiru klasifikasaun ho valór 56 maka David Victory Bere Talo husi Eskola Ensinu Báziku Sentrál (EBC, sigla portugés) CAFE Maliana no Rodriho Tiles Chrissanta Bria Barreto husi EBC CAFE Dili, segundu klasifikasaun ho valór 55 maka Atanasio Paulino Atimau Monteiro de Araújo husi EBC CAFE Ainaro, Quetécia de Araújo Lopes husi EBC CAFE Maliana, Maria Victória Lay husi EBC CAFE Maliana, Graciano Pereira husi EB Colégio de Santo Inâcio de Loiola, Caffia Clara Maia husi EBC CAFE Ermera, Valeni Rose Chipi Ximenes husi EBC CAFE Lospalos no Geovedia Gioia Malves husi EB Maria Auxiliadora.
Estudante ne’ebé hetan terseiru klasifikasaun ho valór 54 mak hanesan Felize Arnoldus Geovane de Lourfe husi EBC CAFE Lospalos, Pablo Fabio Fernandes Xavier husi EBC CAFE Lospalos, Kaithleen Eta Nheu husi EBC CAFE Oé-cusse mak, Estefania Isabel Ribeiro Martins husi EB Maria Auxiliadora mak, Aldisio Cesar Ricardo do Santos Alegria husi EBC CAFE Dili, Dirce Freitas Belo husi EBC Katólika Dom Bosco Laga, Cheyla Romancia da Conceicao Alves husi EBC CAFE Aileu mak, Richela Pacheco Bracilian husi EBC Colégio Santo Inâcio de Loiola no Febriano Vicente de Jesus Gonzaga husi EBC CAFE Dili.
Jornalista : Osória Marques
Editora : Julia Chatarina
