DILI, 23 dezembru 2024 (TATOLI)—Ministériu Komérsiu no Indústri (MKI) liuhusi Diresaun Jerál Regulasaun Komersiál no Protesaun Konsumidór, segunda ne’e, halo monitorizasaun ba presu nesesidade bázika iha merkadu nasionál no munisípiu sira, ne’ebé hatudu katak ho presu normál.
“Ita hakarak fó sai ba públiku, atu hasoru loron boot natál no tinan foun 2024 ba tinan 2025, ita-nia stock nasionál ba item neen, ne’ebé importante tebes ita konsumu maka’as hanesan foos, mina han, manu-tolun lokál, terigu, masin-midar no mie sedaap, hatudu folin normál,” Vise-Ministru Komérsiu no Indústria, Augosto Junior Trindade, informa, liuhusi konferénsia imprensa ne’ebé hala’o hala’o iha Bebora.
Iha fatin hanesan, Diretora Nasionál Regulasaun Komersiál no Protesaun Konsumidór, Manuela da Silva Tilman, hateten, hahú husi fulan-outubru to’o dezembru 2024, folin ba nesesidade bázika la’o normál, hahú husi munisípiu 12 inklui Rejiaun Administrativa Espesiál Oé-cusse Ambeno (RAEOA).
Nia husu ba públiku, bainhira hetan kompañia balun halimar ho folin ba nesesidade bázika, hanesan konsumidór bele aprezenta ba MKI.
Notísia relevante : TANE Konsumidór lansa estudu folin nesesidade bázika iha loja 21
Folin nesesidade item neen mak hanesan, foos husi Índia ho marka Amor de Família kilograma 20 ho folin $12,25 no kilograma 25 ho folin $15,50, foos husi Tailándia ho marka Gostu Loos kilograma 20 ho folin $12,75 no kilograma 25 ho folin $16, foos husi Vietname ho marka Folsom kilograma 20kg ho folin $18, foos husi Xina ho marka Manu Vitória kilograma 20kg ho folin $12,75 no kilograma 25 ho folin $16, foos husi Índia ho marka Sabor do Amor kilograma 25 ho folin $15,25, foos husi Índia Beruang Merah kilograma 20 ho folin 13,50 no kilograma 25 ho folin $16, foos husi Pakistaun ho marka Colombus kilograma 20 ho folin 13,50 no kilograma 25kg ho folin $16.
Folin masin-midar husi Índia kada saka ida kilograma 50 agora folin tun husi $40, $37, to’o $33, masin-midar kilograma 5 ho folin $4,50, masin-midar kilograma 2 ho folin $1,50 no masin-midar kilograma 1 ho folin $1.
Mina han ho marka Bimoli litru 5 kaixa ida ho folin $26,50, jergen ida $7,50, mina Colombus litru 4,3 kaixa ida $23,50 jergen ida $ 6,50 mina Gostu Los litru 4,5 kaixa ida $25.00 jergen ida $ 6,50 mina Sania litru 2 kaixa ida $17.00 masa (jergen) ida $3 to’o 3,50 mina Bimoli litru 2 kaixa ida $17 masa ida $3,25 to’o $3,50.
Manu-tolun lokál kaixa ida kategoria A $59 rak ida $5,50, kategoria B kaixa ida $56 rak ida $4,65, kategoria C kaixa ida $53 kada rak ida $3,75 no kategoria D kaixa ida $45 no kada rak ida $3,50.
Kona-ba terigu ho marka Tali Biru kada saka kilograma 2 ho folin $16,35, terigu ho marka Tali biru kada saka kilograma 25 ho folin $16,75, terigu ho marka Falcom kada saka kilograma kilograma 25 ho foli $15,75, terigu marka Kompas kilograma 1 kada kaixa $7,5 kada kilograma $0,95 to’o $1 no terigu marka Bola Salju kilograma 1 kada kaixa $7,5 kada kilograma $0,95 to’o $1.
Tuir mai, Mie Sedaap soto kada kaixa ida $6,7, Mie sedaap Goreng kada kaixa $7.10 no Mie sedaap Korea kada saka $7.10
“Folin nesesidade bázika ne’ebé ita foti ne’e ba empreza distribuitór sira ne’ebé durante ne’e hatama sasán mai hanesan, Perissos, Creative Furak, Lisun no seluk tan,” Vise-Ministru tenik.
Ba distribuitór Perissos rasik daudaun foos iha armazen hamutuk tonelada 20.000 no iha janeiru 2025 sei hatama tan foos nustrisaun a’as no saudalàvel ba labarik sira ho marka Labarik Matenek hamutuk tonelada 540.
Jornalista : Arminda Fonseca
Editora : Julia Chatarina
