iklan

POLÍTIKA

Komisaun C sei halo audiénsia públika ba alterasaun Lei Enkuadramentu Orsamentál

Komisaun C sei halo audiénsia públika ba alterasaun Lei Enkuadramentu Orsamentál

Prezidente Komisaun C, Cedelizia Faria dos Santo. Imajen Tatoli/Francisco Sony.

DILI, 08 janeiru 2025 (TATOLI)—Komisaun C trata asuntu Finansa Públika iha Parlamentu Nasionál (PN), tau ona ajenda atu halo audiénsia públika ba proposta-lei númeru 14/VI (2a) Enkuadramentu Orsamentu Jerál Estadu no Jestaun Finanseira Públika.

Notísia Relevante: Meza PN baixa proposta-lei Jestaun Finanseira Públika ba komisaun C

“Ohin, komisaun C halo reuniaun dahuluk ba tinan 2025, ami-nia ajenda importante loos mak halo aprovasaun ba kalendáriu diskusaun no audiénsia ba alterasaun Lei Enkuadramentu Orsamentál no Jestaun Finanseiru,’” Prezidente Komisaun C, Cedelízia Faria dos Santos, hateten ba jornalista sira hafoin ramata enkontru komisaun iha PN, kuarta ne’e.

Governu liuhosi Ministériu Finansa (MF) haruka ona proposta alterasaun lei ne’e mai iha Prezidente PN no baixa mai komisaun C katak, to’o 15 marsu. komisaun konklui paréser no haruka fali.

Tanba ne’e, kuarta (08 janeiru 2024) ne’e, komisaun aprova ona kalendáriu iha fulan-fevereiru hahú halo audiénsia públika.

“Iha artigu lubun ida kuaze 30-resin atu halo alterasaun, maibé ami seidauk tama detallu, tanba ne’e ami-nia kalendáriu sei halo audiénsia kuaze semana rua nia laran,” nia dehan.

Jornalista : Nelson de Sousa

Editór        : Cancio Ximenes

iklan
iklan

Leave a Reply

iklan
error: Content is protected !!