DILI, 08 janeiru 2025 (TATOLI)–Munisípiu Covalima, Ermera no Rejiaun Administrativa Espesiál Oé-cusse Ambeno (RAEOA) sai pilotajen ba programa saúde nutrisaun inan ho oan.
“Tentativa ne’e presiza ema hamutuk rihun 10, nune’e ita buka koopera ho parseiru no Ajénsia balun nune’e bele kria ekipa hodi halo survey ba uma-kain,” Diretór Jerál Ministériu Solidariedade Sosiál Inkluzaun (MSSI), Florêncio Pina Dias Gonzaga, informa ba Agência Tatoli, iha salaun MESSK, Colmera, kuarta ne’e.
Notísia relevante : Programa Saúde na Família la’o di’ak iha Timor-Leste
Programa saúde nutrisaun ba inan ho oan ne’e ho nia objetivu atu hamenus redusaun kiak iha Timor-Leste, liu-liu ba ema inan isin-rua no bebé ne’ebé vulnerável liu.
Nune’e iha Orsamentu Jerál Estadu (OJE) 2025 ne’e Governu liuhusi MSSI prevee fali millaun $2 ba programa referida hodi bele atende ba inan ho oan ne’ebé moris kbiit laek.
MSSI prevee $26.188.602 iha proposta OJE 2025 hodi kontinua fó prioridade ba programa servisu no atendimentu sosiál ba povu
Orsamentu ne’e fahe ba saláriu no vensimentu $3.982.088, bens no servisu $10.744.951, transferénsia públika $9.501.672, kapitál menór rihun $500 no kapitál dezenvolvimentu $1.459.891.
MSSI iha programa prioridade rua hanesan dezenvolvimentu instituisionál no servisu no atendimentu sosiál.
Jornalista : Osória Marques
Editora : Julia Chatarina
