iklan

POLÍTIKA

Komisaun D husu IQTL kontrola aihan importadu kontamina ho formalin

Komisaun D husu IQTL kontrola aihan importadu kontamina ho formalin

Emadeskoñesidu soe ayam potong no sosis iha tasi ibun Maumeta, Postu Bazartete, Munisípiu Liquiçá. Imajen/Evaristo Soares Martins

DILI, 09 janeiru 2025 (TATOLI)—Prezidente Komisaun D trata asuntu Ekonómia no Dezenvolvimentu iha Parlamentu Nasionál (PN), Ricardo Baptista husu Institutu Kualidade Timor-Leste Institutu Públiku (IQTL, I.P siglá portugés) atu kontrola aihan importadu ne’ebé kontamina ho formalin.

Notísia Relevante: Reprezentante povu husu Governu kontrola produtu importadu kontamina ho Formalin

“Ida-ne’e mak ami ba haree, se iha duni hanesan peskiza sira-ne’e, hanoin ita iha instituisaun sira ne’ebé mak atu regula, Karik, identifika mak sasán sira-ne’e kontaminadu ho formalin, hanoin Institutu Kualidade Timor-Leste Institutu Públiku (IQTL, I.P siglá portugés) nia serbisu atu haree. Tanba ne’e, presiza kontrola hodi garante saúde públiku ba konsumidór sira-nian,” Nia hateten ba jornalista sira iha resintu PN, kinta ne’e.

Deputadu CNRT, Cedelízia Farria dos Santos, preokupa ho rezultadu peskiza ne’ebé fó sai husi akadémiku sira kona-ba produtu importadu hanesan ayang potong, ikan no bo’ek ne’ebé kontamina ho formalin porsentu bo’ot, ida ne’e bele fó impaktu ba saúde.

“Informasaun ida-ne’ebé ita rona ita-nia akadémiku sira kona-ba hahan ne’ebé afetadu ho formalin. Sira-nia peskiza ne’e, hanoin ita hotu akompaña iha mídia, ita-nia maluk akadémiku timoroan sira no formalin ne’e balun atinje to’o 20%, ne’e hatudu númeru ida-boot,” nia dehan.

Mezmu Timor-Leste rekoñese seidauk iha laboratóriu ne’ebé própriu halo teste, maibé serbisu ho estranjeiru atu bele halo teste ba hahan importadu sira-ne’e, tanba to’o agora ne’e hahan importadu hanesan ayam potong no sosis sira-ne’eb’e kontamidau ho formalin ne’ e, sei faan nafatin iha super merkadu sira iha kapitál Dili no munisípiu sira.

Tanba ne’e, nia husu ba Ministériu Saúde (MS) no Autoridade Inspesaun no Fiskalizasaun Atividade Ekonomia Sanitaria no Alimentár (AIFAESA) atu bele tau matan ba asuntu ne’e.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!