iklan

POLÍTIKA

Governu presiza tau atensaun ba ema ho defisiénsia mentál sira

Governu presiza tau atensaun ba ema ho defisiénsia mentál sira

Ema ho defisiénsia mentál hosi suku Ritabou ho naran koñesida ‘Nando Pinki’ movimenta ba-mai iha luron públiku ho isin-molik. Imajen Tatoli/Sérgio da Cruz.

DILI, 10 janeiru 2025 (TATOLI)—Reprezentante povu iha uma fukun Parlamentu Nasionál (PN) liuhusi Deputada CNRT, Cedelízia Faria dos Santos, kontinua husu Governu liuhusi Ministériu Saúde (MS) no ministériu relevante sira seluk atu tau atensaun ba ema ho defisiénsia mentál sira iha kapitál Dili hodi bele hetan tratamentu adekuadu.

Notísia Relevante: Orsamentu MSSI aprovadu, PN husu tau atensaun ba sidadaun vulnerável

“Ha’u preokupa uitoan ho ita-nia maluk sira ema ho defisiénsia mentál sira iha Dili laran ne’e. H’u la’o, kuaze iha dezembru nian laran, ita haree númeru ita-nia maluk sira ema ho defisiénsia mental komesa aumenta, la’o loos iha estrada klaran. La’ós mane maibé iha feto mós, triste loos. Ne’ebé, husu Ministériu Saúde, favór tau atensaun ba ida-ne’e, tau hela fatin adekuadu ba sira hodi bele kura sira-nia moras ne’e,” Deputada Cedelízia Faria dos Santos, hato’o iha PN.

Tanba ne’e, membru husi órgaun lejislativa ne’e preokupa tebes ho situasaun ne’e, no husu ba Governu Konstitusionál da-sia (IX) presiza tau atensaun ba ema ho defisiénsaia mental sira-ne’e.

Deputadu KHUNTO, Luis Roberto, mós kontinua husu Ministériu Saúde no Ministériu Solidariedade Sosiál no Inkluzaun (MSSI) atu tau atensaun ba ema ho defisiéensia mentál ne’ebé daudaun ne’e aumenta barak la’o iha estrada no fatin públiku iha kapitál Dili ne’e.

Jornalista : Nelson de Sousa

Editór        : Cancio Ximenes

iklan
iklan

Leave a Reply

iklan
error: Content is protected !!