iklan

INTERNASIONÁL, DILI, HEADLINE

Fevereiru, finaliza ona prosesu estabelesimentu embaixada TL iha Índia

Fevereiru, finaliza ona prosesu estabelesimentu embaixada TL  iha Índia

Imajen/Midia MNEK

DILI, 13 janeiru 2025 (TATOLI) –  Konselleru no Enkaregadu Negósiu Timor-Leste nian iha Índia, Francisco Maukura Fernandes, hateten prosesu estabelesimentu ba Embaixada Timor-Leste nian iha Índia sei finaliza iha fulan-fevereiru mai ne’e.

“Ha’u to’o Índia iha loron 19 fulan-Outubru 2024 no halo servisu  desde outubru ate Dezembru 2024, ne’ebé ita bele dehan operasaun embaixada  sem osamentu ( operate with Zero Budget) maibé  prosesu estabelesimentu Embaixada nian fulan oin bele kompleta ona,” Maukura hateten ba Agência Tatoli via media sosial WhatsApp, segunda ne’e.

Hahú outubru to’o dezembru 2024, prioridade atividade Embaixada nian mak halo vizita ba propridade sira atu hili fatin atu bele estabelese cancelaria Embaixada nian.

“Daudaun, Ha’u halo servisu iha rezidensia hanesan office provizoriu. Orsamentu  ba instalasaun Embaixada foin simu iha inisiu janeiru 2025 ne’e, agora ha’u sei hein hela Diplomata Timor oan, segundu Sekretariu sei to’o mai no nia mak sei toma responsabilidade ba área finansa nian atu ami hahú halo kompra sira ba finaliza estabelesimentu Embaixada,” nia hateten.

Área importante husi Índia ba TL

Durante hala’o kna’ar iha Índia Enkaregadu Negósiu timoroan ne’e konsege hasoru malu ho investór oioin iha Índia ne’ebé hakarak investe iha Timor-Leste.

“Ha’u mós hahú hasoru ona ema sira potensia investór hakarak investe iha Timor-Leste.  Ha’u hasoru mos artista Super Star Bolywood ónian ho nia parseiru sira, ita tenta konvense sira atu fó mós atensaun bele haree Timor-Leste hanesan destinasaun foun ba Investimentu no Turizmu,” nia katak.

Diplomata timoroan ne’e hatutan, área importante liu ne’ebé Timor-Leste presiza halo akordu ho Índia mak  IT (informatica Tecnologia) , saúde, agrikultura, indústria, komérsiu, Turizmu no  Investinentu estranjeiru.

“Ita hotu hatene India hahesan Nasaun boot no mós merkadu boot ida iha kontenente Asia ho nia  Populasaun  1, 4 billaun. Área kooperasaun ha’u temi hela ne’e, mak agora sei sai prioridade ba Embaixada Timor- Leste nian iha New Delhi India atu haree,” nia hakotu.

Notisia relevante:PR Horta no Ministru Estadu Índia diskute estabelese embaixada

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!