iklan

POLÍTIKA

PPN husu MAKLN hadi’a lista kombatente bainhira iha reklamasaun

PPN husu MAKLN hadi’a lista kombatente bainhira iha reklamasaun

Prezidente Parlamentu Nasionál, Maria Fernanda Lay. Imajen Tatoli/Francisco Sony

DILI, 17 janeiru 2025 (TATOLI)–Prezidente Parlamentu Nasionál (PPN), Maria Fernanda Lay, husu ba Ministériu Asuntu Kombatente Libertasaun Nasionál (MAKLN) atu hadi’a lista validasaun kombatente libertasaun ne’ebé taka sai ona bainhira iha reklamasaun.

“Lista ne’e desde tinan hirak liubá hadi’a tiha, klaru katak iha implementasaun la’ós de’it iha veteranu, maibé ha’u fiar katak komisaun ne’ebé tau matan ba veteranu sira bele halo papél fiskalizasaun, agora atu pronúnsia, ha’u la kompreende o que passou, klaru katak sira ne’ebé sai sasin ne’e mós dilema ida mosu desde uluk,” PPN hato’o ba jornalisa sira, iha Palásiu Prezidensiál, Aitarak Laran, sesta ne’e.

Notísia relevante : Governu taka sai ona lista validasaun kombatente libertasaun hamutuk 92.591

Iha 15 janeiru liubá Governu liuhusi MAKLN no Konsellu Kombatente Libertasaun Nasionál (CCLN, sigla portugés) taka sai ona lista ba naran kombatente liberdasaun nasionál rejistadu 2009 ho totál 92.591.

Maski nune’e, mosu preokupasaun balun husi públiku inklui veteranu sira.

Tuir lei iha loron 60 nia laran atu aprezenta reklamasaun kona-ba sira-nia dadus ka kontestasaun hasoru kombatente ruma nia dadus, nune’e bele hadi’a.

“Tanba ne’e mosu iha verifikasaun dadus, ha’u espera katak ho ministériu agora iha bele tau matan di’ak liu ba ida-ne’e no ita tenke fiar, klaru iha pagamentu buat ruma sala, ita bele hadi’a,” nia katak.

Jornalista     : Nelson de Sousa

Editora          : Julia Chatarina

iklan
iklan

Leave a Reply

iklan
error: Content is protected !!