COVALIMA, 20 janeiru 2025 (TATOLI) – Tékniku husi Ministériu Asuntu Konsellu Kombatente Libertasaun Nasionál, daudaun ne’e imprime ona fixa reklamasaun no kontestasaun provizóriu hamutuk 155 ba veteranu sira iha munisípiu Covalima.
“Durante loron rua ita haree situasaun veteranu sira halo asaun prostesta, tanba ne’e ohin ami imprime fixa kontestasaun no reklamasaun nune’e sira bele bainhira sira-nia partisipasaun funu la to’o karik bele aumenta no iha lista publikasaun ema ne’ebé la halo funu nia naran iha karik atu bele haree” Komisáriu-Membru CCLN Munisípiu Covalima, Francisco Doutel Sarmento “Lamesak” dehan iha edifísiu Kombatente Covalima, ohin.
Lamesak klarifika,Veteranu ne’ebé mak halo kontestasaun no reklamasaun prazu fó ba sira durante loron 60 halo reklamasaun lista balun nia partisipasaun funu hanesan três menus ka balun 3 a 7 bainhira la satisfas presiza submete reklamasaun no kontestasaun hanesan halo kontesta ba ema ne’ebé la partisipa iha luta libertasaun nasionál maibé iha lista publikasaun nia naran pasa iha 8 a 14.
Prosesu imprime fixa reklamasaun no kontestasaun ba responsavel nurep no sekretáriu nurep sira mak presiza atu haree didi´ak, lista publikasaun tanba bainhira la halo kontestasaun no reklamasaun durante loron 60 signifika nia pasa ona.
Responsavel Nurep, Suku Taroman Postu Fatululik, João Teles reforsa, bazeia ba orientasaun husi Konsellu Kombatente Munisípiu Covalima atu foti fixa kontestasaun no reklamasaun iha edifísiu Konsellu Kombatente munisípiu Covalima.
“Ami mai atu foti fixa kontestasaun no reklamasaun nune’e ami atu verfika fali Lista Edital ne’ebé halo rejistasaun ba daruak 2009 ne’ebé halo ona publikasaun iha loron 15 janeiru tinan ne’e, ne’ebé veteranu sira halo asaun iha konsellu veteranu,” nia dehan.
Veteranu Orlando Cardoso konfirma, nia parte la satisfas ho publikasaun Lista Edital tanba ema ne’ebé nia partisipasaun funu durante tinan ualu-resin maibé iha lista publikasaun nia partisipasaun funu menus a três anos de’it.
“Ami mai iha ne’e atu konfirma bazeia Lista Edital ne’ebé fó sai la kondisaun ho ami-nia partisipasaun funu ne’ebé ami hala’o tau fali ami-nia partisipasaun luta iha menus a três ida-ne’e mak halo ami la satisfas,” nia hateten.
Bazeia ba dadus territóriu nasionál ne’ebé fó sai hosi Ministru Asuntu Kombatente Libertasaun Nasionál Gil da Costa Monteiro “Oan Soru” hanesan veteranu luta durante tinan-24 hamutuk na’in-14, 15 a 19 na’in-186,8 a 14 hamutuk 9,375, inkapasidade servisu 359, martir 22,252, menus três anos 35,371 no não kombatente hamutuk 1,574.
Notísia relevante:Veteranu Covalima prenxe formuláriu atu protesta no reklama lista editál
Jornalista: Celestina Teles
Editór :Rafael Ximenes d A. Belo
