DILI, 20 janeiru 2025 (TATOLI)-Ministériu Edukasaun (ME) liuhusi Servisu Edukasaun Munisípiu Dili simu ona estudante transferénsia husi munisípiu mai eskola iha Dili, tanba sira-nia inan-aman muda fatin servisu.
“Estudante ne’ebé transferénsia husi munisípiu mai ne’e ita simu hamutuk 100, ne’e ba ensinu báziku no ensinu sekundáriu”, informa Xefe Departamentu Ensinu Edukasaun Munisípiu Dili, António Pereira Ximenes, ba TATOLI via telemovel, segunda ne’e.
Tuir inan-aman hanesan razaun fundamentál ME fó karta transferénsia. Nia dehan, estudante sira-ne’e, só bele kontinua iha ensinu sekundáriu tékniku vokasionál.
“Sira ne’ebé atu kontinua estudu iha ensinu sekundáriu, ita la permite. Ita orienta sira no fó karta deklarasaun no rekomenda hodi kontinua ensinu sekundáriu tékniku vokasionál sira iha Dili laran”, nia dehan.
Estudante sira-ne’e maiória husi Bobonaru, Baukau no Lautein.
Notísia relevante:Eskola iha autoridade tomak deside simu estudante transferénsia
Jornalista : Osória Marques
Editór : Zezito da Silva
