COVALIMA, 24 janeiru 2025 (TATOLI) –Munisípiu Covalima durante fulan 12 iha tinan-2024 kontribui reseita $ 20,299.50 ba Kofre Estadu, Koordenadór Servisu Rejistrasaun no Verifikasaun Emprezariál Institutu Públiku (SERVE,I.P), Koordenadór SERVE ,I.P Covalima Sukursál Covalima, Domingos Gabriela Amaral relata.
“Reseita ne’e ami kontribui mai husi rejistu komersiál hahú husi janeiru to’o dezembru 2024 ne’e hamutuk 842, kompostu husi rejistu foun ka novo registo hamutuk 265, hamoris lisensa 428, no alterasaun ho aumenta atividade hamutuk 149,” Koordenadór, Domingos Gavriela Amaral, informa iha Kampung-Baru, ohin.
Rekezitu sira ne’ebé hodi bele estabele negósiu no empreza sira ne’e bazeia ba baze legál Dekretu-lei númeru16/2017, Prénse formuláriu pedidu rejistu husi SERVE, I.P nian, bele download husi portál SERVE, I.P ni’an https://serve.gov.tl/pt/ (portugés) no https://serve.gov.tl/ (inglés).
Nia esplika, ba individuál (Enin) presiza dokumentu Billeti Identidade (BI) válidu, mapa fatin negósiu, firma negósiu, Kaben-na´in Persiza Sertidaun Kazamentu, no kartaun BI ka eleitorál parseiru.
Ba Emprezáriu ka emprezária Unip, Lda presiza dokumentu BI válidu, mapa fatin empreza, firma empreza, estatutu, kaben-na´in persiza Sertidaun Kazamentu no kartaun BI ka Eleitorál parseriu, Kapital Sosiál (KS) deklara ka estipula iha estatutu laran, kapitál Sosiál hahú husi $ 1.00 no ba Sosiedade Anonima (SA) tenki hahú husi $ 50.000,00 ba Reprezentasaun Permanente ( R.P) tenki hahú ho $ 5.000,00 no ba ema Estranjeiru presiza iha Pasaporte, Visa traballu , Visa rezidénsia, Sertidaun kazamentu (tradus ba lian Portugés ka Tetun).
Fó hanoin fali katak, Dadus Registu Komersiál Munisípiu Covalima hahú estabelese iha juñu 2020 to’o 2024 atinji 1,090. Enin 849, Unipesoál Lda 222, Lda 19 no Reseita ne’ebé kontribui iha 2020-2023 hamutuk $ 28,659 ba kofre Estadu.
Entretantu, Koordenadór SERVE ,I.P Covalima Sukursál Covalima, Domingos Gabriela Amaral dehan, Vizaun husi SERVE .I.P katak sai instituisaun ida Governu ne’ebé buka de’it atu servi setór privadu no misaun atu promove no fasilita prosesu halo negósiu iha Timor-Leste .
Jornalista: Celestina Teles
Editór :Rafael Ximenes de A. Belo