iklan

NASIONÁL, HEADLINE

PN autoriza PR Horta halo vizita Estadu bá EAU

PN autoriza PR Horta halo vizita Estadu bá EAU

Prezidente Repúblika, José Ramos Horta. Imajen Tatoli/Francisco Sony

DILI, 28 janeiru 2025 (TATOLI)–Parlamentu Nasionál (PN) liuhusi sesaun plenária, tersa ne’e, aprova asentimentu dezlokasaun ofisiál Prezidente Repúblika (PR), José Ramos Horta, bá Emeradu Árabe Unidu (EAU), ho votu afavór 33, kontra rua  no abstensaun 14.

“Nune’e, pedidu Prezidente pasa,” Prezidente Parlamentu Nasionál interinu no atuál segundu Vise-Prezidente PN, Alexandrino Afonso Nunes, fó sai iha sala plenária PN.

Tuir termu ne’ebé previstu iha numeru 1 iha artigu 80 alinea h númeru 3 artigu 95 Konstituisaun, ho meiu ne’e solisita ba PN konsentimentu préviu ba dezlokasaun ofisiál ba EAU, hodi resposta ba konvite Prezidente EAU, Sua Alteza Real, Sheikh Mohammed bin Zayed Al Nahyan, hodi partisipa iha simeira mundiál Governu 2025, ne’ebé realiza iha EAU husi loron 11 to’o 13 fevereiru 2025.

Notísia relevante : Prezidente Repúblika dezloka ohin bá Indonézia

Xefe Estadu mós informa ba deputadu sira iha loron 13 fevereiru 2025 sei hala’o viajen dezlokasaun natureza privadu ba Munique iha Repúblika Federál Alemaña, hodi hatán ba konvite Prezidente (Chairman) Munich Security Conference, Embaxadór Cristoph Heusgen, hodi partisipa iha serbisu konferénsia seguransa Munique 2025, ne’ebé previstu entre loron 14 to’o 16 fevereiru 2025.

Nune’e, PR sei auzente iha Timor-Leste entre loron 9 ro’o 18 fevereiru 2025.

Jornalista    : Nelson de Sousa

Editora         : Julia Chatarina

iklan
iklan

Leave a Reply

iklan
error: Content is protected !!