COVALIMA, 31 janeiru 2025 (TATOLI)- Komisáriu-Membru Konsellu Kombatente Munisípiu Covalima, Francisco Doutel Sarmento “Lamesak”, dezmente halo kombransa ba veteranu sira iha munisípiu Covalima.
Francisco Doutel Sarmento “Lamesak klarifika relasiona sidadaun balun Públika vídeo iha mídia Sosiál Facebook dehan katak ,halo kombransa ba veteranu sira.
“Ha’u halo verifikasaun ba daruak, rejistu iha 2009 no hadi’a iha 2019. Ha’u hanesan xefe ekipa hodi lansa informasaun halo ha’u kobransa iha veteranu sira, informasaun ne’e la los”, Francisco Doutel Sarmento “Lamesak “, klarifika ba jornalista sira ,iha nia rezidénsia iha Asumaten,ohin.
Prosesu atu halo verifikasaun sira mak forma komisaun hodi halo preparasaun hanesan Tais, fahi, osan no karau atu simu komisaun verifikasaun dadus.
Tanba ne’e informasaun ne’ebé Públika iha media Sosiál Facebook Lamesak konsidera halo difamasaun no presiza mos iha evidénsia no la iha evidénsia sei prosesu tuir dalan legál.
“Ha’u sei prosesu sidadaun ne’e lori ba iha tribunál nune’e atu klarifika tanba ita hotu iha lei nia okos nune’e sei ezije naran di’ak,”nia esplika.
Sidadaun ne’ebé espalla informasaun iha mídia Sosiál hodi halo difamasaun tanba interrese partidária no ambisaun no grupu.
Iha sorin seluk, Sekretàriu Nurep atuál xefe Suku Debos, Agustino da Silva, esplika, bazeia vídeo ne’ebé viral iha mídia Sosiál halo kombransa husu Tais, animál hodi hein komisaun verifikasaun.
“Ha’u sente Tais ho animál sira halibur liuhusi enkontru hafoin halo tenda ha’u bolu selkom sira enkontru ho komunidade tomak ba sira ne’ebé família mai ha’u husu ita-boot sira prontu atu halibur ai-han ka osan mai ita halibur hamutuk atu simu komisaun verifikasaun durante fulan-ida,” nia klarifika.
Jornalista: Celestina Teles
Editór: Rafael Ximenes de A. Belo
