iklan

EKONOMIA, HEADLINE

Inspesaun-Jerál Jogu rekolla reseita millaun $3,9

Inspesaun-Jerál Jogu rekolla reseita millaun $3,9

Inspitór-Jeral Jogu, Anibal Carvalho Martins. Imajen Tatoli/Francisco Sony

DILI, 04 Fevereiru 2025 (TATOLI) – Ministériu Komérsiu no Indústria (MTK), liuhusi Inspesaun-Jerál Jogu (IGJ, sigla portugés) arrekada, iha tinan kotuk, reseita husi jogu ilísitu no jogu tradisionál bola guling hamutuk millaun $3,9 ba kofre Estadu.

Inspetór-Jerál Jogu, Anibal Martins, hateten reseita ne’ebé sira rekolla ne’e 10% husi impostu ba prémiu jogu nian mak millaun $1,8 no impostu kontribuisaun sosiál jogu nian 15% ho valór millaun $2,1.

“Reseita ne’ebé ita hetan iha 2024 ho montate 3,917,821.91 boot liu kompara ho reseita 2023 mak $3.723.446,70”, Anibal Martins informa ba Tatoli iha Bebora, ohin.

Nia esplika katak atividade ne’ebé IGJ kontrola mak jogu mákina lotaria, toto bola no jogu tradisionál bola guling.

Kona-ba bola guling, iha 2024, Governu suspende provizoriamente atividade ne’e tuir rezolusaun Governu nian númeru 14/2024, loron 20 Marsu.

Nia haktuir katak hapara provizoriamente jogu ne’e, tanba operadór sira ne’ebé hala’o atividade ne’e balun rejista no seluk la rejista, nune’e hamosu problema. “Tanba ne’e, ami sei halo hela revizaun ba dekretu-lei ne’e molok atu reativa”, nia adianta.

Relembra katak, iha 2021, IGJ rekola reseita millaun $1,8, ki’ik liu kompara ho 2022 hamutuk millaun $3,1.

Notísia relevante: IGJ-PAMD sosializa rezolusaun ba suspensaun bola guling iha Dili

Jornalista: Arminda Fonseca

Editora: Maria Auxiliadora

iklan
iklan

Leave a Reply

iklan
error: Content is protected !!