DILI, 07 Fevereiru 2025 (TATOLI)–Diretór Servisu Edukasaun Munisípiu Manatutu, Patrício da Cruz Quintão, informa benefisiáriu ba programa merenda eskolár iha Manatutu ba tinan 2025 hamutuk 13.326 ho totál osan ba loron 140 prevee $783.745, 20.
“Totál benefisiáriu hahú Ensinu Pre-eskolár to’o Ensinu Báziku Katólika, públiku no privadu hamutuk 13.326 ho totál osan ne’ebé ita pedidu ba loron 140 ne’e hamutuk $783.745,20”, Patrício dehan ba TATOLI via telefone, sesta ne’e.
Nia hatutan parte servisu edukasaun munisipál no autoridade munisipál hamutuk ho Grupu Ekipa Jestaun Programa (EJP) asina ona kontratu hein implementa de’it.
“Ita hein de’it orientasaun husi finansa munisipál katak tama ona konta grupu mak implementa. Grupu EJP ne’ebé prepara no tein ba estudante iha Edukasaun Munisípiu Manatutu hamutuk 18”, nia informa.
Grupu Ekipa Jestaun Programa (EJP) ba tinan 2025 nian hamutuk 18 no ai-han ne’ebé atu fornese ba estudante sira mak produtu lokál sira neʼebé sei jere hosi grupu EJP ho estudante sira-nia inan-aman sira.
Notísia relevante: Estudante 29.876 sai benefisiáriu ba programa merenda eskolár
Jornalista : Osória Marques
Editora : Rita Almeida
