DILI, 17 Fevereiru 2025 (TATOLI)—Parlamentu Nasionál (PN) liuhusi sesaun plenária, segunda ne’e, aprova asentimentu dezlokasaun ofisiál Prezidente Repúblika (PR), José Ramos Horta, bá Vietname ho votu afavór 31, kontra 12 no abstensaun lima.
“Ne’ebé asentimentu pasa,” Prezidente Parlamentu Nasionál, Maria Fernanda Lay, fó sai iha sala plenária PN.
Notísia relevante : PN autoriza PR Horta halo vizita Estadu bá EAU
Tuir termu previstu iha numeru 1 iha artigu 80 alinea h’ númeru 3 artigu 95 konstituisaun repúblika ho meiu ne’e PR solisita ba PN konsentimentu préviu ba dezlokasaun ofisiál bá Vietname hodi resposta ba konvite Primeiru-Ministru Sosialista Vietname, Phạm Minh Chính, hodi partisipa iha fórum daruak Futuru ASEAN previstu entre loron 25 to’o 26 Fevereiru 2025 iha Hanoi, Vietname ho sub-tema “Konstrui ASEAN ida Únida, Inkluziva no Rezilente iha Kontextu Transformasaun Globál.”
Ho meiu ne’e, Xefe Estadu informa sei auzente husi Timor-Leste entre loron 24 to’o 27 Fevereiru 2025.
Jornalista : Nelson de Sousa
Editora : Julia Chatarina
