DILI, 04 Marsu 2025 (TATOLI)-Xefe bankada Governu husi Kongresu Nasionál Rekonstrusaun Timorense (CNRT, sigla portugés) konsidera aprezentasaun foun kandidatura ba Konsellu Imprensa (CI, sigla portugés) la tarde no la impede atividade jurnalístika.
“Desizaun Parlamentu la tarde, konsellu la bá mós, mídia nia atividade la paradu, soke presiza iha para kontrolu komunikasaun no iha asaun ruma tenke deside hamutuk”, deputadu Duarte Nunes hatete iha resintu Parlamentu Nasionál, ohin.
Notísia relevante : Conselho de Imprensa husu PPN prepara kandidatu reprezentante PN ba CI
Mesmu nune’e, ninian parte sei esforsu halo komunikasaun foun ba kandidatu husi PN nian ba área komunikasaun sosiál.
“Tempu badak sei halo fali komunikasaun foun, ita bele buka ema, ema barak iha koñesimentu ba área komunikasaun”, afirma nia.
Notísia relevante: Faluchay retira husi kandidatura Konsellu Imprensa
Jornalista : Nelson de Sousa
Editora : Rita Almeida
