DILI, 05 Marsu 2025 (TATOLI)-Gabinete Imprensa Santa Sé públika ona siklu jubeliu ba tinan ne’e ninia tema mak “Jesus Kristu, ita-nia esperansa”.
“Santu Papa nia katekeze ne’ebé prepara ba Audiénsia Jerál iha kuarta ne’e públika ona husi Gabinete Imprensa Santa Sé nian, kontinua siklu jubileu nian kona-ba “Jesus Kristu, ita-nia esperansa”, tema ne’ebé aborda iha katekeze ikus ne’e dedika ba Jesus nia infánsia maka epizódiu iha-ne’ebé, ho tinan 12, Mezias ki’ik ne’ebé hela iha templu hodi buka nia, ho laran-manas no hetan nia liu tiha loron tolu”, nota Vatikanu ne’ebé TATOLI asesu.
Iha istória ne’e, dada-lia entre Maria no Jesus, ne’ebé halo naroman Na’in nia Inan nia dalan espirituál, ne’ebé nakonu ho dezafiu no deskoberta sira. Santu Papa hanoin hikas katak Maria tuir viajen ida fiar nian ne’ebé úniku, buras iha komprensaun mistériu nia Oan-Mane nian.
Durante vizita Isabel, liuhusi nia moris fatin iha Belém, ne’ebé halai ba Ejitu no moris iha Nazaré, ba prezensa discreta no fiél durante mistériu públiku Jesus nian ho nia Paixaun, Maria nafatin iha nia Oan nia sorin, hodi aprende no husik nia-an atu hetan forma husi Maromak nia Liafuan.
“Maria lori Jesus, Umanidade nia Esperansa, ba mundu, fó han nia, tulun nia sai boot, tuir nia no, iha tempu hanesan, sai ninia dixípulu dahuluk”, subliña Papa Francisco.
Santu Papa sita “Bento XVI, hodi hanoin hikas katak Maria unidu kle’an ho Liafuan divina: “Nia ko’alia no hanoin ho Maromak nia Liafuan “Deus”. Nune’e, revela mós ninia hanoin sira iha sintonia ho Maromak nia hanoin sira”.
Santu Padre dehan moras no angústia Maria no José nian bainhira sira lakon Jesus iha peregrinasaun anuál ba Jeruzalén, nune’e mós sira-nia surpreza bainhira sira hetan nia haksesuk malu ho mestre sira Lei nian. Entaun dada-lia entre inan no oan destaka tensaun entre protesaun inan-aman nian no Jesus nia misaun divina. Bainhira rona nia resposta.
“Imi lahatene katak ha’u okupa ho ha’u-nia Aman nia asuntu balun sira?” (Lukas 2:49) – Maria no José la komprende didi’ak, hanesan mistériu Maromak sai labarik ida hakat liu lójika umana. Taka ninia reflesaun, nune’e Papa konvida ita atu banati tuir Maria no José nia ezemplu, sai mós “peregrinu esperansa nian”. Hanesan sira, ita hetan bolu atu fiar iha Maromak, hodi husik ita-nia an atu Nia lidera ita, tanba Na’i revela Nia-an la’ós iha esbosu sira ne’ebé define ona, maibé iha resposta domin filiál nian ba Ninia paternidade ne’ebé laran-sadia”, konklui.
Notísia relevante: ATR-TL prepara pakote ba peregrinasaun tinan jubileu 2025 iha TL
Jornalista : Osória Marques
Editora : Rita Almeida
