DILI, 08 Marsu 2025 (TATOLI)- Arkivu Muzeum Rezisténsia Timorense (AMRT) Servisu hamutuk ho UN Women, sábadu ne’e, realiza espozisaun fotografia hodi komemora loron mundiál feto ne’ebé monu iha loron 8 Marsu ne’e.
Biban ne’e, Diretór Ezekutiva AMRT, Jorge Alves, hateten iha komemorasaun loron importante ne’e AMRT loke mos esposizaun fotografia rua husi eroína espoza Prezidente Nicolao Lobato no Rogério Lobato nia.
Tuir nia, esposizaun fotografia rua ne’e importante tebe-tebes ba povu Timor Leste liuliu ba jerasaun foun sira atubele koñese eroína ne’ebé fó sira nia vida ba Timor Leste ninia ukun rasik aan.
“Ohin, mós ita halo esposizaun rua husi Prezidente Nicolao Lobato nia espoza Isabel Barreto no Ministru Defeza iha Primeiru Governu 1975, Rogerio Lobato ninia espoza. Hanesan Diretór Ezekutivu hakarak fóondra ba ita boot sira hotu-hotu ho Ita boot sira nian partisipasaun iha prosesu libertasaun nasiona ita boot sira dedika ita boot sira nian aan fó imi nia vida tomak ho mane sira para atubele luta liberta ita nian patria”, Jorge hateten iha nia intervensaun iha selebrasaun loron feto ne’e iha AMRT,ohin.
Nia dehan tan “Hanesan Komandante Xanana hateten feto maski imi uitoan, imi reprezenta povu Timor-Leste hamutuk ho mane luta nafatin ba povu Timor Leste ne’e nian direitu autordeterminasaun”.
Iha fatin hanesan, Reprezentante Internasionál UN-Women iha Timor-Leste Olufummlayo (Funmi) Abosede Balogum-Alexader, dehan komemora loron feto mudial no lansa dokumentu ne’ebe mak UN-Women rasik mak produs hanesan partisipasaun feto iha libertasaun nasionál.
” Selebrasaun loron mudiál ida-ne’e espera bele halakon diskrimisaun hasoru feto iha Timor-Leste”, nia espera.
Entretantu, Deputada Parlamentu Nasionál, Cedelizia Faria Dos Santos,hatete komemorasaun loron importante ne’e nu’udar luta ba hakotu desigualidade iha Timor-Leste.
“Mensajen ba feto maluk sira ita la’o ba kotuk la’o ba oin labele tauk buat hotu-hotu. Husu ba ukun na’in Sira foti desizaun karik labele haluhan feto”, nia konklui.
Notisia relevante:Loron mundiál feto, PM Xanana subliña proporsiona igualdade no empoderamentu
Jornalista: Natalino Costa
Editór: Florencio Miranda Ximenes
