DILI, 12 Marsu 2025 (TATOLI) – Kondisaun saúde Papa Francisco nafatin estavel no rezultadu raiu-xís hatudu iha melloria ba nia estadu saúde iha loron hirak ikus ne’e, haktuir nota husi Vatikanu iha loron 12 Marsu.
“Kondisaun klínika Santu Padre, iha komplexidade kuadru jerál, mantein estavel. Raiu-xís tórax ne’ebé hala’o horisehik konfirma radiolojikamente iha melloria ne’ebé observa iha loron hirak ne’e”, Vatikanu hato’o.
Líder igreja katólika ho idade 88 ne’e simu oksijenoterapia fluxu aas iha loron no ventilasaun mekánika iha kalan.
Santu Padre ne’ebé eskollidu sai Papa Benedito XVI iha idade 76 iha loron 13 Marsu 2013 no eskolla nia naran Francisco ne’e tama iha ospitál Gemelli dezde loron 14 Fevereiru, tanba sofre pneumonia bilaterál.
Papa Francisco ne’ebé moris iha Arjentina iha tinan 1936 ne’e sofre problema saúde oioin no iha tinan 2023 afeta ho infesaun respiratória no halo operasaun ba kabun atu hasai érnia.
Notísia relevante: Kondisaun klínika Papa Francisco kontinua estavel
TATOLI
