DILI, 19 Marsu 2025 (TATOLI) – Ministra Solidariedade Sosiál no Inkluzaun (MSSI), Verónica das Dores, no Prezidente Konsellu Administrasaun Institutu Nasionál Seguransa Sosiál (INSS) nian, Arlindo Pinto, aprezenta Relatóriu kona-ba Fundu Rezerva Seguransa Sosiál iha reuniaun Konsellu Ministru.
Iha aprezentasaun ne’e esplika evolusaun fundu ne’e nian husikedas kapitál inisiál ho montante millaun $151 to’o millaun $233,5.
Tuir komunikadu husi Governu, Polítika investimentu husi fundu ne’e mós esplika ho detallada, hatudu oinsá rekursu sira investe ona iha tempu barak.
Aleinde ne’e, aprezenta aplikasaun móvel INSS, ferramenta dijitál ida ne’ebé permite utilizadór sira, entre funsionalidade sira seluk, hodi asesu informasaun kona-ba sira-nia karreira kontributivu no halo simulasaun husi valór ninia pensaun iha futuru.
Tuir dadus INSS, kontribuente husi setór públiku no privadu ba seguransa sosiál hamutuk rihun 160.
Notísia relevante: Kontribuente setór públiku no privadu hamutuk rihun-160 mak kontribui ba SS
TATOLI
