DILI, 03 fevereiru 2025 (TATOLI)– Kontribuente husi setór públiku no setór privadu ne’ebé kontribui orsamentu ba Seguransa Sosiál (SS) hamutuk rihun-160.
“Benefisiáriu kontribuente seguransa sosiál ba setór privadu no públiku hamutuk 160.000, ne’ebé mak durante ne’e kontribui ba seguransa sosiál”, Prezidente Institutu Nasionál Seguransa Sosiál (INSS), Arlindo Pinto, hateten ba jornalista sira iha nia knaar fatin INSS Caicoli, Dili, segunda ne’e.
Notísia relevante:INSS husu instituisaun Estadu inskreve iha sistema seguransa sosiál
Prezidente INSS hatutan tan traballadór setór públiku hamutuk 63.000 no setór privadu hamutuk 74.000. Portantu husi empregadór totál hamutuk setór públiku iha 84.000 empregadór privadu hamutuk 5.000-resin.
“Orsamentu totál kapitál ba tinan-2024, ita projeta hamutuk millaun $254 no hamutuk no ba tinan-2025 hamutuk millaun $303”, nia informa.
Notísia relevante:Kontribuente kontribui ona millaun $115.9 ba Fundu Rezerva Seguransa Sosiál
Jornalista: Osória Marques
Editór: Rafael Ximenes de A. Belo