KOVALIMA, 28 Marsu 2025 ( TATOLI) – Prezidente Repúblika (PR), José Ramos Horta mehi tinan-20 mai tan hakarak timoroan sira hasai lisensiatura maibé ho kualidade.
“Ha’u-nia mehi iha Timor, tinan 20 tan, hotu-hotu iha lisensiatura. La iha timoroan ida, la iha lisensiatura no baxarlatu”, Xefe Estadu hato’o iha nia diskursu, bainhira vizita eskola Sekundáriu Jerál Públiku Suai, ohin.
Ho mehi Xefe Estadu ne’ebé hakarak Timoroan hakarak hasai lisensiatura la’ós fa’an maibé hasai ho kualidade. Se simu tiha diploma la hatene konta ne’e problema no xefe Governu halo esforsu hodi hadi’a edukasaun.
“Primeiru-Ministru, Kay Rala Xanana Gusmão rasik reuniaun ho reitór sira no Ministériu Edukasaun (ME), halo esforsu maka’as hodi hadi’a setór edukasaun”, nia haktuir.
Pesoál limpeza mantein
Iha biban ne’e, PR fó hanoin ba Autoridade Munisípiu hodi labele halo politizasaun hasai funsionáriu sira, tanba esperiénsia hatudu balun hapara funsionáriu to’o pesoál limpeza sira (cleaner).
“Ha’u husu lídér munisípiu buka hatene no labele halo politizasaun, tanba bazeia esperiénsia dala barak hasai cleaner sira” PR dehan.
Tuir xefe Estadu, Primeiru-Ministru Kay Rala Xanana Gusmão matenek tanba nia bele lee hotu livru ne’ebé ho pájina 500 maibé nia presiza halo asesór rezumu nune’e bele lee.
Notísia relevante:PR Horta: “Presiza estuda di’ak no haka’as aan”
Jornalista:Celestina Teles
Editór: Rafael Ximenes de A. Belo
