DILI, 02 Abríl 2025 (TATOLI)-Koordenadór Avaliasaun Lisensiamentu Akreditasaun (GALA), António Tomas Maia, informa eskola internasionál sia mak sei iha prosesu inspesaun.
“Eskola sia mak iha hela prosesu nia laran, maibé Pré-School QSI iha faze omologasaun ka hein aprovasaun finál, TAIS Internasionál iha munisipiu haat finaliza ona analiza previa no Quesadhip Ruak ho ISAM sei iha faze avaliasaun dokumentu”, dehan nia ba TATOLI via WhatsApp.
Eskola ne’ebé sei hein inspesaun hosi Ministériu Edukasaun mak, QSI International School (Pre-School only), The Adventist International School (TAIS)-Vikeke (Pre-School and Basic Education only), The Adventist International School (TAIS)-Manufahi (Pre-School and Basic Education only), The Adventist International School (TAIS)-Baukau (Pre-School and Basic Education only), The Adventist International School (TAIS)-Lautein (Pre-School and Basic Education only), International Quesadhip Ruak School (Pre-School and Basic Education only), Light House International (Pre-School only), Dr. Azevedo Marcal International (Pre-School and Basic Education only), no Eagle’s International School (Pre-School and Basic Education only).
Koordenadór dehan, eskola internasionál no sira nia nivel eskolaridade ne’ebé hetan ona lisensamentu operasionál mak hanesan, Dili International School (Pre-School, Basic Education and Secondary Education), Tais International School (Pre-School, Basic Education and Secondary Education), St. Jude Thaddeus International School (Pre-School, Basic Education and Secondary Education), Heritage International School (Pre-School, Basic Education and Secondary Education), St. Mary’s International School (Pre-School, Basic Education and Secondary Education), St. Anthony’s International School (Pre-School and Basic Education only), International School Renovar (Pre-School only, Ainaro), International School Li’l Active Minds (Pre-School only, Manatuto), International School St. Paul Methodist (Basic Education only), Pelican Grammar School (Pre-School, Basic Education and Secondary Education), Singapore International School (Basic Education only), Z & Z International School (Pre-School, Basic Education only), Maharlika International School (Pre-School, Basic Education and Secondary Education), Gracya Y Verdad (Basic Education only) no QSI International School (Basic Education and Secondary Education only).
Dekretu lei númeru 29/2012, 4 jullu estabelese rejime jurídiku akreditasaun no avaliasaun sistema edukativu kona-ba eduksaun pre-eskolár, ensinu bázika no sekundáriu, konjugadu ho númeru 2 artigu 9 husi diploma ministeriál númeru 8/2016, 1 fevereiru aprova regulamentu lisensiamentu ba estabelesimentu edukasaun no ensinu iha ne’ebé diploma ne’e regula pre-eskolár, ensinu bázika no ensinu secondáriu tenke hetan konsensaun lisensamentu operasionál.
Ho nune’e, ME hato’o ba públiku katak bazeia ba despasu ministeriál númeru 03 loron-21, fulan-Janeiru, kona-ba suspensaun konsensaun lisensamentu operasionál ba estabelesimentu internasionál eskola pre-eskolár, ensinu bázika, ensinu sekundáriu. Nune’e hahú loron-21, fulan-Janeiru 2025, ME sei suspende pedidu foun atu loke eskola internasionál foun iha territóriu.
Notísia relevante: ME suspende lisensiamentu operasionál ba eskola internasionál
Jornalista : Osória Marques
Editora : Rita Almeida
